نابێ رادیۆكەش هانی هانی لەسەر بێت
بیروڕا 11:00 AM - 2023-04-15ستران عەبدوڵڵا
ستران عەبدوڵڵا
لە كوردەواری خۆماندا زۆر جار گوێمان لە دەربڕینی هانی هانی دەبێت.
دەڵێن فڵان هانی هانیم لەسەر دەكات، یان فڵان هانی هانی لەسەرە. بە مانای ئەوەیە قسەی لەسەر دەكەن، یان واتەواتی لەسەر هەیە.
هانی هانی دەربڕینە لەناو میدیا و سیاسەتی كوردیدا سەرچاوەكەی لەو تەشویش و گوشارە تەکنیکییەوە دێت كە دەكرێتە سەر پەخشی رادیۆی شۆڕش و ناهێڵێ دەنگ باش بگا، یان دەنگی پچر پچرە و ناهێڵن شتێكی لێ حاڵی بیت، مەگەر بە زەحمەت نەبێ، لەبەرئەوە بۆتە باو هەر وەختێك رادیۆیەكی نهێنی یان شۆڕشگێری هەبێ تەشویش كارێك دەكات تەشویهی سەرنج و تێبنییەكان بكات.
ئەمە چیرۆكێكی پێشینە بە دەستەواژەیەكی ئەمرۆ گرێی دەدەم كە پەیوەندی بە پەشیمان بوونەوە و پەشیمان كردنەوە لە لێدوان و ڕاگەیەندراوەوە هەیە.. ئەمە توانجێكە لە قسەی ئەو بابایەوە وەرگیراوە كە بە كەماڵی ئیسراحەت ڕاوسەرنجی خۆی وت و ئینجا دوای ئەوە كە زانی بە دەنگ و ڕەنگەوە بڵاو بۆتەوە فەقیرە هاواری لێ هەڵسا: وامزانی رادیۆیە. كابرای كوردە، بە وەسفی رشتەی مروارییەكانی مامۆستا سەجادی، ناناسم و لێم روون نییە لە چییەوە چی وتووە و چیان بۆ لێكداوەتەوە؟ بەڵام ئیتر قسەكە بۆتە ئیدیۆم بۆ توانجدان لەوانەی قسە دەكەن و دوایی پێچە بە دەوەری لێ دەكەن و لێی پەشیمان دەبنەوە، چونكە قسەیان تەقەی ناوتەوە و تەقەی تێكەوتووە.
دەمی چەند ساڵ پێش ئێستا وەك نەریتێكی میدیایی لە ڕاگەیاندنی خۆمان قەرارمان وا بوو روونكردنەوەی وا بڵاو نەكەینەوە كە كاكم لەسەر لێدوانێك دەیدا گوایە شێواوە و شێوێنراوە. گوتمان باشترە كاكی بەرێز قسە بۆ كەناڵێك نەكا قسە دەشێوێنێ و لێدوان دەقرتێنێ. چی زۆرە مینبەری خۆمان زۆرە، چی دەوێ بیڵێ و وەك خۆی بیگەیەنێ. ڕەنگە ئەمە جۆرێك بێت لە ڕەدەعی خۆمانی بۆ دووركەوتنەوە لە داوی ئەو میدیایانەی هەموو شتێك دەكەن جگە لە كاری میدیایی. هەروەها درعێكیش بێت هەڤاڵ و هاوەڵانمان خۆیانی پێ بپارێزن لە تەنگژە و تەڵەی لەناكاو و ناكام. ئێستا تەشویش و غەڵبەغەڵب شێوەی مۆدێرنتری گرتۆتە خۆ. ئەوە بەس نییە خۆت لە مینبەری میدیای لاكۆڵان لابدەیت و لێدوانی رادیۆیی وا نەدەیت کە سبەینێ ناچار بە روونكردنەوە بیت و جەفەنگی ئەوەت لەگەڵ بكەن بڵێن: ئەمیش وایزانیوە رادیۆیە. كێشە ئەوەیە هانی هانی لە شوێنی ترەوە بێت. وا دەبینی لە مینبەرێكی جددییەوە قسە دەكەیت و میدیای تر كە دەشێ لێدوانت بۆ نەدابن ببەن و بڵێن و بڵاو بكەنەوە و مونتاجێكی قسەكانت بكەن كە هی سیاقی خۆی نەبێ و سایەقی ناشی لێ بخورێ. بێگومان هەموو كارەكتەرێكی گشتی، جا سیاسی بێت یان میدیا و كۆمەڵایەتی، حەز دەكەن مینبەری تریش قسەی لێ بگوازنەوە و بە ڕاست و چەپدا پەخشانی بكەن. بەڵام وابێ مانا نەشێوێنێ و لەجیاتی پەخشكردنی پەخش و پەرێشانی نەكەن. میدیا هەیە گرژ و مۆن لە توانج و لاقرتیێەك تێناگا و هەشە لە نەوەی دوای راپەڕین و بەرهەمی كوردستانی ئازادە كە جگە لە زمانی شیرینی كوردی لە هیچ پەند و ئیدیۆمێك ناگات و شێوەزارێك قیبلە نومایەتی. لێدوان دەكاتە لێدان و تەفسیر دەكاتە تەقسیر و كەڵكی ئەوەی نییە سەرنجیان پێ بدەیت، چونكە وا دەزانن لە رادیۆكە پەشیمانی، نازانن ئەوەی لەگەڵتا دەیكەن هانی هانییە و پەیوەندی بە هانی شاكرەوە نییە. ئەوەی دەیگوازنەوە لێدوانی تۆ نییە، خوشك یان براكەیەتی. خەیار نییە ترۆزییە، كە ڕاستە هەردووكیان سەوز و تام خۆشن، بەڵام خوشك و برای یەكن، دوو میوەجاتی جیان.
لەو حاڵەدا مەگەر هەر هیوای سەلامەتی بۆ هەمووان بخوازیت و بڵێی قەینا تا ئەو دەردە میدیاییانە چارە دەبن، قەیناكە سەری پیاوی سەركەچەڵی پێ سەقەت ببێ، چونكە سەرتاشی كۆڵان هەتا فێر دەبێ سەری گەڕەك سەقەت دەكا و كە فێر بوو دوكانی دەباتە سەر جادە و گەڕەكی حەریفانەوە. بەهەرحاڵ گشتی كور و كچی خۆمانن، بۆیە بە سەرتاش و سەرتاشیاوەوە. سەلامەت بن.
PUKMEDIA
هەواڵی زیاتر
-
وتەبێژی یەکێتی: بۆبەهێزکردنی متمانە بەهەرێم پێویستە هەڵبژاردن بکرێت
02:29 PM - 2024-05-19 -
19-5 ههرێمی كوردستان یهكهمین ههڵبژاردنی ئازادی ئهنجامدا
09:54 AM - 2024-05-19 -
حەوت ساڵ بەسەر كۆچی رەوانشاد نەوشیروان مستەفا تێدەپەڕێت
09:16 AM - 2024-05-19 -
هێزی پێشمەرگە و سوپای عیراق و هاوپەیمانان کۆبونەوەی باڵا دەکەن
09:34 PM - 2024-05-18
ئەمانەش ببینە
کوردستان 12:50 PM - 2024-05-19 راوێژکاری سەرۆکی یەکێتی: سەرۆکی حکومەت متمانەی مووچەخۆرانی لەدەستداوە
یادی یەکەم هەڵبژاردنمان و یەکەم دانیشتنی پەکخستنتان!
09:43 AM - 2024-05-19
٧٤ هەمین هەفتانەی دیجیتاڵی ئینگلیزی بڵاودەكرێتەوە
09:02 AM - 2024-05-19
وەزیری رۆشنبیری: ئێستا جاسوسی بە ئاشکرا دەکرێت
09:26 PM - 2024-05-18
لەهەڵبژاردنی سەرۆکی پەرلەماندا عیساوی پێش مەشهەدانی کەوت
05:45 PM - 2024-05-18
زۆرترین خوێنراو
-
یادی یەکەم هەڵبژاردنمان و یەکەم دانیشتنی پەکخستنتان!
کوردستان 09:43 AM - 2024-05-19 -
حەوت ساڵ بەسەر كۆچی رەوانشاد نەوشیروان مستەفا تێدەپەڕێت
کوردستان 09:16 AM - 2024-05-19 -
٧٤ هەمین هەفتانەی دیجیتاڵی ئینگلیزی بڵاودەكرێتەوە
جیهان 09:02 AM - 2024-05-19 -
هێزی پێشمەرگە و سوپای عیراق و هاوپەیمانان کۆبونەوەی باڵا دەکەن
کوردستان 09:34 PM - 2024-05-18 -
وەزیری رۆشنبیری: ئێستا جاسوسی بە ئاشکرا دەکرێت
کوردستان 09:26 PM - 2024-05-18 -
جاسوسی
بیروڕا 09:23 PM - 2024-05-18 -
لەهەڵبژاردنی سەرۆکی پەرلەماندا عیساوی پێش مەشهەدانی کەوت
عیراق 05:45 PM - 2024-05-18 -
نێروەیی: هەواڵەکەی خەبات پەیامێکی هەواڵگرییە
کوردستان 05:33 PM - 2024-05-18