مەکتەبی سیاسی: یەکێتی هەوڵەکانی بەگەڕخست بۆ بەجینۆساید ناساندنی ئەنفال

PUKMEDIA

لۆگۆی یەکێتیی نیشتمانیی کوردستان

مەکتەبی سیاسی یەکێتیی نیشتمانی کوردستان لەساڵیادی کارەساتی ئەنفالدا پەیامێک بڵاودەکاتەوە، لەپەیامەکەدا رایدەگەیەنێت:" مەکتەبی سیاسی: یەکێتی هەوڵەکانی بەگەڕخست بۆ بەجینۆساید ناساندنی ئەنفال". 
دەقی پەیامەکە...

پەیامی مەکتەبی سیاسی یەکێتیی نیشتمانی کوردستان  بۆ ساڵیادی کارەساتی ئەنفال لەیادی ئەوکارەساتەدا، درود بۆ رۆحی پاکی  ئەو شەهیدانەی  تەنها  لەبەر ناسنامەی کوردبونیان بە ناهەق گولـلەبارانکران ، سڵاو بۆئەوانە دەنێرین کە ئازار و مەینەتیەکانی ئەو رۆژانەیان چەشت .

بۆ سارێژبوونی ئازارەکان و رەوینەوەی خەمەکانی کارەساتی ئەنفال کە 35 ساڵ لەمەوبەر رژێمی لە ناوچووی بەعس دژ بەگەلی کورد و پێکهاتەکانی تری کوردستان ئەنجامی دا،  یەکێتیی نیشتمانیی کوردستان هەرلە دوای راپەڕینی کۆمەڵانی خەڵکی کوردستانەوە  هەولًەکانی خستەگەر، بۆ ئاوەدانکردنەوەی ئەو گوند و دێهات و ناوچانەی کە بەر ڕوخان و سوتاندنی پەلامارە کە کەوتن چ لە سەر بودجەی خۆیی وچ لە ڕێگەی حکومەتی  هەرێم و  رێکخراوە مرۆڤ دۆستە ناحکومیە جیهانیەکانەوە.

لە دوای رٍوخانی رژێمی بەعس و لەگەڵ دامەزراندنی  دادگای باڵای تاوانەکان لە عێراقیشدا ئەوە هەر یەکێتی بوو هەوڵەکانی بەگەڕ خست بۆ بە جینۆساید ناساندنی کارەساتی تاوانی ئەنفال  و بە پێی ماددەی ( 132) دەستوری هەمیشەیی عێراق  قەرەبووکردنەوەی زەرەرمەندانی  تاوانەکانی ڕژێمی  زامن کرد ، کاتێتی لە ئاستی نێودەوڵەتیش  ئەو تاوانە بە جینۆساید بناسرێت و دانی پێدا بنرێت.

ئەم ناساندنە ناوخۆیی و جیهانیەش رێگا بۆ هەموو قەرەبووە شایستەکانی تر دەکاتەوە ئەگەرچی هیچیان نابنە هاوشانی ئازارەکان.

ئەنفال ژانی نیشتمان و خەمی ئەبەدی نەتەوەیە

مەکتەبی سیاسیی یەکێتیی نیشتمانیی کوردستان

PUKMEDIA