سەرۆک بافڵ بۆ هێزی کۆماندۆ: جێگەی ئومێدی هەموانن

PUKMEDIA

سەردانی سەرۆک بافڵ بۆ بارەگای فەرماندەیی هێزەکانی کۆماندۆی کوردستان

بافڵ جەلال تاڵەبانی سەرۆکی یەکێتیی نیشتمانیی کوردستان بارەگای فەرماندەیی هێزەکانی کۆماندۆی کوردستانی بەسەرکردەوە .

لەمیانی ئەو بەسەر کردنەوەیەدا هەریەک لە شێخ ئەحمەد حەمە کەریم  ئەندامی مەکتەبی سیاسی ، لیوا روکن عومەر ساڵح سەرۆکی ئەرکانی هێزەکانی ٧٠ ، لیوا روکن مەریوان محەمەد فەرماندەی هێزەکانی پشتیوانی دوو ، سەرخێڵ کەمال لێپرسراوی بەڕێوەبەرایەتی ئۆپەراسیۆنی دەزگای ئاسایشی هەرێم یاوەریاندەکرد لەلایەن موقەدەم دیار عومەر جێگری فەرماندەی فەرماندەیی کۆماندۆی کوردستان بەگەرمی پێشوازییان لێ کرا و دوای لەنزیکەوە ئاگاداربوون لە چۆنێتی بەڕێوەچوونی ئەرک و  بەرپرسیارێتییەکانیان دەست خۆشی لێکردن کە وەک هێزێکی تۆکمەو بە دسپلین بەردەوام و رۆژانە لە هەوڵدان توانای سەربازی خۆیان پێشبخەن کە جێگای ئومێدن بۆ هەموولایەک .

دواتر سەرۆک بافڵ جەلال تاڵەبانی بەشداری خوانی بەربانگی لەگەڵ پێشمەرگەکانی هێزی کۆماندۆی کوردستان کرد.

PUKMEDIA