دەزگای ئاسایشی هەرێم ٣ تۆمەتبار دەستگیردەکات

راگەیاندنی دەزگای ئاسایشی هەرێم

دەستگیرکراوان

بەڕێوەبەرایەتی ئۆپەراسیۆنەکانی دەزگای ئاسایشی هەرێم ٣ بازرگانی مادەی هۆشبەر دەستگیر دەکات .

لە راگەیەندراوێکدا کە وێنەیەکی بۆ PUKMEDIA نێردراوە، بەڕێوەبەرایەتی ئۆپەراسیۆنەکانی دەزگای ئاسایشی هەرێم رایگەیاندووە: پاش دەستکەوتنی زانیاری لەسەر باندێک لە پارێزگای سلێمانی کە تۆمەتبارن بە بەکارهێنان  و بازرگانیکردن بە مادەی هۆشبەرەوە ، هێزەکانمان دوای رەزامەندی دادوەری ئاسایش، لێکۆڵینەوەی وردی دەستیپێکرد و لەئەنجامی چاودێری و بەدەستخستنی بەڵگە رۆژی هەینی ٧  / ٤ / ٢٠٢٣ لە هەڵمەتێکدا بە هاوکاری بەڕێوەبەرایەتی مادەهۆشبەرەکان ٣ تۆمەتباری باندەکە دەستگیکران لە کاتی مامەڵەکردن و کڕین و فرۆشتندا کە بڕی ٧٨١ غرام مادەی کریستاڵی سپی دەستی بەسەردا گیراو تۆمەتباران رووبەڕووی یاسا کرانەوە .

PUKMEDIA