دژەتیرۆر لە رۆژئاوای کوردستان ئۆپەراسیۆنێک ئەنجامدەدات

PUKMEDIA

لۆگۆی دژەتیرۆر و دژەتیرۆری رۆژئاوا

هێزی دژەتیرۆر CTG بە هاوبەشی لەگەڵ هاوپەیمانی نێوەدەوڵەتی و هێزەکانی دژەتیرۆری رۆژئاوا YAT سەر بە هێزەکانی سوریای دیموکرات، ئۆپەراسیۆنێكیان ئەنجامدا.

لەچوارچێوەی ئۆپەراسیۆنە هاوبەشەکان، هێزی دژەتیرۆر CTG بە هاوبەشی لەگەڵ هاوپەیمانی نێوەدەوڵەتی و هێزەکانی دژەتیرۆری ڕۆژئاوا YAT  سەر بە هێزەکانی سوریای دیموکرات، ئۆپەراسیۆنێكیان لەناوچەی (المرکدە) لە باشووری پارێزگای حەسەکە لە رۆژئاوای کوردستان – سوریا، ئەنجامدا.

لە ئۆپەراسیۆنەکەدا تواندرا دەستبەسەر بنکەیەکی خانە چالاکەکانی داعشدا بگیرێت و 4 تیرۆرستی داعش دەستگیربکرێت، کە کاریان دابینکردنی پێداویستی لۆجستی بووە بۆ شانەکانی دیکەی داعش.

دژەتیرۆر دڵنیایی دەدات، لەگەڵ هاوبەشەکانمان بەردەوام دەبین لە لەناوبردنی پاشماوەی تیرۆرستان لە هەرشوێنێک بوونیان هەبێت.

ئەو تۆمەتانە کە ئاڕاستەی هێزەکانی دژەتیرۆر دەکرێن بۆ شاردنەوە و چەواشەكردنی راستییەكانن

سەبارەت بە ئۆپەراسیۆنەکە مەزڵوم کۆبانێ فەرماندەی گشتی هێزەکانی سوریای دیموکرات (هەسەدە) رایگەیاند: "هێزەکانمان لە ئەرک و هەماهەنگی بەردەوامدان لەگەڵ هاوبەشەکانمان لە ناوچەکە و دەمانەوێت ئەو راستییە روون بکەینەوە کە هێزەکانی دژەتیرۆر (CTG) لە رۆژی بەئامانجگرتنەکەدا لە فڕۆکەخانی سلێمانی لەگەڵمان بوون".

"ئێمە دڵسۆزی و پاڵپشتیی هێزەکانی دژەتیرۆر (CTG) لە رۆژانی سەختی خەباتی رۆژئاوا لەیاد ناکەین و لە قورسترین قۆناغدا پشتیوانی یەکەکانی ئێمەیان دەکرد و هاوشانی ئێمە خەباتیان کردووە. هەموو ئەو تۆمەتانەش كە ئاڕاستەی ئەو هێزە تێكۆشەرە دەكرێت بۆ شاردنەوە و چەواشەكردنی راستییەكانن"، مەزڵوم کۆبانێ وادەڵێت.

PUKMEDIA

ئێمە دڵسۆزی و پاڵپشتیی هێزەکانی دژەتیرۆر (CTG) لە رۆژانی سەختی خەباتی رۆژئاوا لەیاد ناکەین و لە قورسترین قۆناغدا پشتیوانی یەکەکانی ئێمەیان دەکرد و هاوشانی ئێمە خەباتیان کردووە. هەموو ئەو تۆمەتانەش كە ئاڕاستەی ئەو هێزە تێكۆشەرە دەكرێت بۆ شاردنەوە و چەواشەكردنی راستییەكانن. (3)

— Mazloum Abdî مظلوم عبدي (@MazloumAbdi) April 9, 2023