وەفدی باڵای عیراق شوێنی هێرشەکەی فرۆکەخانەی سلێمانی بەسەردەکەنەوە

PUKMEDIA

وەفدی باڵای عیراق

وەفدی باڵای عیراق و ژمارەیەک لێپرسراوی ئەمنی شوێنی رووداوی هێرشەکەی سەر فرۆکەخانەی سلێمانی بەسەردەکەنەوەو لێکۆڵینەوە لە رووداوەکە دەکەن.

وەفدی  باڵای عیراق بەسەرۆکایەتی قاسم ئەعرەجی راوێژکاری ئاسایشی نەتەوەیی عیراق و ئەندامێتی هەریەک لە حەمید ئەلشەتری سەرۆکی دەزگای ئاسایشی نەتەوەیی ، عەبدولوەهاب ئەلساعدی سەرۆکی دەزگای دژە تیرۆری عیراق ، فەریق قیس ئەلمحێمەداوی جێگری فەرماندەی ئۆپەراسیۆنە هاوبەشەکان ،  بە یاوەری ژمارەیەک لێپرسراوانی ئەمنی سلێمانی شوێنی رووداوی هێرشەکەی سەرفڕۆکەخانەی نێودەوڵەتی سلێمانیان  بەسەرکردەوە.

وەفدەکە لە نزیکەوە بەدواداچوون و لێکۆڵینەوەیان کرد بۆ بەرچاوو روون بوون لەو پێشلکارییەی کراوەتە سەر خاکی هەرێم و عیراق.

PUKMEDIA