سەرۆک بافڵ: چاوەڕێ نەبووین دەزگا ئەمنیەکان جێبەجێکاری پیلانی بێگانە بن
کوردستان 07:17 PM - 2023-04-08سەرۆک بافڵ و قاسم ئەعرەجی
بافڵ جەلال تاڵەبانی، سەرۆکی یەکێتیی نیشتمانیی کوردستان پێشوازیکرد لە وەفدی باڵای عیراق بە سەرۆکایەتی قاسم ئەعرەجی، راوێژکاری ئاسایشی نەتەوەیی عیراق و هەریەک لە حەمید ئەلشەتری، سەرۆکی دەزگای ئاسایشی نەتەوەیی و عەبدولوەهاب ئەلساعدی، سەرۆکی دەزگای دژە تیرۆری عیراق و فەریق قیس ئەلمحێمەداوی، جێگری فەرماندەی ئۆپەراسیۆنە هاوبەشەکان.
لە دیدارێکدا کە ژمارەیەک لە ئەندامانی دەستەی کارگێڕی، مەکتەبی سیاسی و ژمارەیەک لە لێپرسراوانی ئەمنی و سەربازی ئامادەبوون، دوایین پەرەسەندە ئەمنییەکان و هێرشەکەی سەر فڕۆکەخانەی نێودەوڵەتیی سلێمانی تاوتوێکران و جەخت لە پاراستنی سەروەریی خاک و وڵات کرایەوە و یەکخستنی هەوڵەکان لەپێناو پاراستنی سەقامگیریی وڵات و دووبارەنەبوونەوەی رووداوی لەو شێوەیە.
سەرۆک بافڵ جەلال تاڵەبانی سوپاسی محەمەد شیاع سودانی، سەرۆکوەزیرانی عیراق، وەفدی میوان، لایەن و سەرکردە عیراقی و کوردستانییەکانی کرد کە لە بەرامبەر ئەم پێشهاتە ترسناک و مەترسیدارەدا هاتوونەتە دەنگ و داواشیکرد، ئەنجامی لێکۆڵینەوەکانی لیژنە راسپێردراوەکە راستی و هۆکارەکانی پشت ئەم هێرشە بۆ رایگشتی ئاشکرا بکەن.
لەدرێژەی دیدارەکەدا سەرۆک بافڵ لەبارەی بەرپرسیارێتییە هاوبەش و ئەرکە نەتەوەییەکانەوە بۆ پاراستنی گەل و وڵات رایگەیاند، چارەنووسمان بەندە بە یەکێتی و تەباییمانەوە، نابێت رێگە بە کەسانێک بدرێت چاوساغی بۆ بێگانە بکەن و ئاسایشی نەتەوەییمان بخەنەژێر مەترسییەوە.
لە بەشێکیتری روونکردنەوەکانیدا سەرۆک بافڵ وتی، رووداوەکەی فڕۆکەخانەی سلێمانی مایەی قبووڵکردن نییە و یەکێتیی نیشتمانیی کوردستان باجی هەڵوێستە نەتەوەیی و نیشتمانییەکانی دەدات. ئێمە چاوەڕێی کۆدەنگیی کورد و لایەنە سیاسییەکانمان دەکرد لەپێناو بەدیهێنانی بەرژەوەندییە باڵاکاندا، بەڵام هەرگیز چاوەڕێ نەبووین دەزگا ئەمنییەکانی ناوخۆ جێبەجێکەری پلانەکانی بێگانە بن.
لەبەرامبەردا قاسم ئەعرەجی، راوێژکاری ئاسایشی نەتەوەیی عیراق ئاماژەی بە ئارامی و هێمنی دۆخی سلێمانی کرد و رایگەیاند، ئێمە هاتووینەتە سلێمانی بۆ ئەو شارەی بە دڵە گەورەکەی سەرۆک مام جەلال ناسراوە، خۆشحاڵین دۆخەکە ئارامە و کاریگەری لەسەر ژیانی هاوڵاتیان نەبووە. وتیشی، سیاسەتی نیشتمانی و نەگۆڕی یەکێتی مایەی شانازی ئێمەیە، چونکە لەسەرەتای دروستبوونی کێشەکانی عیراق و پێکهێنانی حکومەتیش، هەڵوێستی ئەرێنی هەبووە و رۆڵێکی گرنگی گێڕاوە لە هێورکردنەوەی دۆخەکە و ئاشکراشیکرد، بەتوندترین شێوە ئیدانەی ئەم رووداوە نەخوازراوە دەکەین و بەهەمووشێوەیەک دژی کردەی تاوانکاری بەرامبەر خاک و گەلەکەمان دەوەستینەوە.
PUKMEDIA
هەواڵی زیاتر
-
گهنمی جوتیارانی ههرێم به 2 ترلیۆن دینار دهخهمڵێندرێت
01:35 PM - 2024-05-01 -
سەرۆک بافڵ: کرێکاران پایەیەکی سەرەکی کۆمەڵگەن
01:05 PM - 2024-05-01 -
قوباد تاڵەبانی: کاردەکەین بۆ دەستەبەرکردنی مافی کرێکاران
11:11 AM - 2024-05-01 -
شاڵاو کۆسرەت رەسوڵ سەردانی ژمارەیەک کەسایەتی ناسراو دەکات
09:47 PM - 2024-04-30
ئەمانەش ببینە
کوردستان 08:38 PM - 2024-05-01 مەکتەبی سیاسی یەکێتی :بەگژ هەر هەوڵێکی ناڕەوای دواخستنی هەڵبژاردندا دەچینەوە
وتەبێژی کۆمسیۆن: ئامادەکاریەکانمان بۆ هەڵبژاردنی پەرلەمانی کوردستان بەردەوامە
03:07 PM - 2024-05-01
رێواز فایهق: نابێت دهرفهتی ههڵبژاردن لهدهستبدهین
10:50 AM - 2024-05-01
کوردستان قەرزاری دەستی کرێکارانە
09:58 AM - 2024-05-01
چوار فراکسیۆنی کوردستانی دژی دواخستنی هەڵبژاردنن
06:19 PM - 2024-04-30
زۆرترین خوێنراو
-
مەکتەبی سیاسی یەکێتی :بەگژ هەر هەوڵێکی ناڕەوای دواخستنی هەڵبژاردندا دەچینەوە
کوردستان 08:38 PM - 2024-05-01 -
شاڵاو کۆسرەت رەسوڵ بەشداری پرسەیەک دەکات
پرسەنامە 06:11 PM - 2024-05-01 -
قوباد تاڵهبانی: ئهرسهلان بایز ههمووكات قهڵهم و دهنگێكی راستگۆ بووه
ی ن ک 05:29 PM - 2024-05-01 -
وتەبێژی کۆمسیۆن: ئامادەکاریەکانمان بۆ هەڵبژاردنی پەرلەمانی کوردستان بەردەوامە
کوردستان 03:07 PM - 2024-05-01 -
گهنمی جوتیارانی ههرێم به 2 ترلیۆن دینار دهخهمڵێندرێت
کوردستان 01:35 PM - 2024-05-01 -
سەرۆک بافڵ: کرێکاران پایەیەکی سەرەکی کۆمەڵگەن
کوردستان 01:05 PM - 2024-05-01 -
قوباد تاڵەبانی: کاردەکەین بۆ دەستەبەرکردنی مافی کرێکاران
کوردستان 11:11 AM - 2024-05-01 -
رێواز فایهق: نابێت دهرفهتی ههڵبژاردن لهدهستبدهین
کوردستان 10:50 AM - 2024-05-01