وەفدێکی باڵای عیراق لێکۆڵینەوە لەهێرشەکەی فرۆکەخانەی سلێمانی دەکات

PUKMEDIA

وەفدی باڵای عیراق

پاشنیوەڕۆی ئەمڕۆ شەممە، 2023/4/8 وەفدێکی باڵای حکومەتی فیدڕاڵی بەمەبەستی لێکۆڵینەوەو ئاگاداربوون لەوهێرشەی کرایە سەر فرۆکەخانەی سلێمانی گەیشتنە سلێمانی.

وەفدەکە  لەلایەن محەمەد شیاع سودانی سەرۆک وەزیرانی عیراق راستپێردراوون و قاسم ئەعرەجی راوێژکاری ئاسایشی نەتەوەیی عێراقی سەرۆکایەتی دەکرێت و چەند بەرپرسێکی تری ئەمنی تێیدا بەشدارن.

وەفدەکە لەلایەن شاڵاو کۆسرەت رەسوڵ و نزار ئامێدی وەزیری ژینگەی حکومەتی عیراق پێشوازییان لێکراوە.

شاڵاو کۆسرەت رەسوڵ بۆ میدیاکاران و کەناڵەکانی راگەیاندن وتی: "وەفدەکە لێکۆڵینەوە لە هێرشەکانی سەر فرۆکەخانەی سلێمانی دەکات و سەردانی سەرۆک بافڵ جەلال تاڵەبانی سەرۆکی یەکێتیی نیشتمانیی کوردستانیش دەکەن".

PUKMEDIA