مەکتەبی راگەیاندن: سنورێک بۆ پێشێلکاریەکانی هەولێر بەرامبەر رۆژنامەنووسان دابنرێت

PUKMEDIA

مەکتەبی راگەیاندنی یەکێتیی نیشتمانیی کوردستان

مەکتەبی راگەیاندنی یەکێتیی نیشتمانیی کوردستان ئیدانەی دەستگیر کردنی رۆژنامەنووسانی دەزگای میدیایی کوردسات دەکات و لە راگەیەندراوێکدا دەڵێت، "داوا لە رای گشتی جیهان و کوردستان دەکەین کە سنورێک بۆ ئەم پێشێلکاریانەی دەزگا ئەمنیەکانی هەولێر بەرامبەر رۆژنامەنووسان دابنێنن و چیتر رێگا بەم جۆر رەفتارانە نەدرێت".

دەقی راگەیەندراوەکەی مەکتەبی راگەیاندن

ئەمرۆ هێزە ئەمنیەکانی هەولێر و لەکاتی ئەرکی ئاسایی خۆیاندا هەردوو رۆژنامە نووسی دەزگای میدیایی کوردسات فەرمان عەبدولقادر عمر  وێنەگر، سیروان حسێن پەیامنێر دەستگیر دەکەن و بەرەو شوێنێکی نادیار دەیان بەن، ئێمە لە مەکتەبی راگەیاندنی یەکێتیی نیشتمانیی کوردستان سەلامەتی گیانی هاوکارانمان دەخەینە ئەستۆی هێزە ئەمنییەکانی هەولێر و داوادەکەین بەزووترین کات ئازاد بکرێن و داواش لە رای گشتی جیهان و کوردستان دەکەین کە سنورێک بۆ ئەم پێشێلکاریانەی دەزگا ئەمنیەکانی هەولێر بەرامبەر رۆژنامەنووسان دابنێنن و چیتر رێگا بەم جۆر رەفتارانە نەدرێت کە پێشێلکاری تەواوی هەموو یاسا و ئیتیکە رۆژنامەوانیەکانە و ئەم کارانە ناوو ناوبانگی هەرێمی کوردستانی لە بواری ئازادی لەکەدار کردوە.

مەکتەبی راگەیاندنی یەکێتیی نیشتمانیی کوردستان