فراکسیۆنی سەوز: تێکدانی یەکڕیزی کوردستان لە ئەستۆی مەسرور بارزانی دایە

PUKMEDIA

لۆگۆی یەکێتیی نیشتمانیی کوردستان

فراکسیۆنی سەوز لە پەرلەمانی کوردستان لە راگەیەندراوێکدا ئیدانەی هێرشەکەی سەر فرۆکەخانەی سلێمانی دەکات و ئاماژە بەوەش دەکات، "ئۆباڵی لێکەوتەکانی تێکدانی یەکێتی و یەکریزی خاک و خەڵکی کوردستان ئەکەوێتە ئەستۆی خودی مەسرور بارزانی وەک سەرۆکی حکومەت".

دەقی پەیامەکەی فراکسیۆنی سەوز

راگەیەنراوێک لە فراکسیۆنی سەوز لە پەرلەمانی کوردستان .

بەتوندی ئیدانەی ھێرشەکەی سەر فڕۆکەخانەی نێودەوڵەتی سلێمانی دەکەین، پێمان وایە ئەم جۆرە هێرشانە سەرەڕای بەئامانج گرتنی ئارامی شاری خۆشەویستی سلێمانی،  پێشیلکردنی سەروەری خاکی هەرێم و  عێراقیشە.

لەھەمان کاتدا بەتوندی سەرکۆنەی راگەیەنراوی کەسێک بەناوی جوتیار عادل دەکەین کە بەر لەھەمووشتێک قسەکانی بێڕێزی کردنە بە دامەزارەکانی حکومەتی ھەرێم، ئەم مامەڵە نابەرپرسانە خزمەت بەھیچ کەس ناکات بەڵکو لەسەر خودی سەرۆکی حکومەتی ھەرێم ماڵە ، لە جیاتی سەرکۆنەی دەستدرێژییەکەی سەر فڕۆکەخانەی سلێمانی بکات، پاساو بۆ ھێرشەکە دەھێنێتەوە، ئەوەش بە پێشھاتێکی زۆر  مەترسیدارتر دەزانین کە ئامانج لێی  قوڵکردنەوەی ناکۆکیەکان و تێکدانی یەکریزی خەڵکی کوردستانە.
لە کۆتایدا ئۆباڵی لێکەوتەکانی تێکدانی یەکێتی و یەکریزی خاک و خەڵکی کوردستان ئەکەوێتە ئەستۆی خودی مسرور بارزانی وەک سەرۆکی حکومەت.

فراکسیۆنی سەوز لە پەرلەمانی کوردستان