د. جوان ئیحسان: بەئامانج گرتنی فرۆکەخانەیەکی مەدەنی مایەی شەرمەزاری و ترسنۆکییە

PUKMEDIA

د. جوان ئیحسان

د. جوان ئیحسان ئەندامی مەکتەبی سیاسی یەکێتیی نیشتمانیی کوردستان لە پەیامیکدا ئیدانەی هێرشکردنە سەر فرۆکەخانەی سلێمانی دەکات و دەڵێت، "مایەی شەرمەزاری و ترسنۆکییە و په‌یامی دوژمندارییه‌كی ڕوونه‌ به‌ رامبه‌ر شاری سلێمانی و خه‌لكه‌ سه‌ر به‌رزه‌كه‌ی".

دەقی پەیامەکە

بەتوندی ئیدانەی هێرشکردنە سەر فڕۆکەخانەی نێودەوڵەتی سلێمانی دەکەم ، بەئامانج گرتنی فرۆکەخانەیەکی مەدەنی مایەی شەرمەزاری و ترسنۆکییە و په‌یامی دوژمندارییه‌كی ڕوونه‌ به‌ رامبه‌ر شاری سلێمانی و خه‌لكه‌ سه‌ر به‌رزه‌كه‌ی.

هاوکات ئەو ڕوونکردنەوەیەی ( جوتیار عادل ) ی بەناو و تەبێژی حکومەتی هەرێمی کوردستان کە نوێنەرایەتی تاقمێكی قین له‌ دڵ ده‌كات دەرکەوت بەیاننامەکەی لەبری ئیدانەکردن پڕه‌ له‌ هاندانی زیاتر دژی شاری سلێمانی كه‌ مایەی شەرمەزارییە و حکومەتی هەرێمی کوردستان زیاتر دەخاتە ژێر پرسیار و لێپرسراویەتییەکی مێژوییەوە به‌رامبه‌ر ئەم هێرشە و لێكه‌وته‌كانی، ئەبێت بزانن سلێمانی شارێکە دیل ناکرێت و  دەستی کۆت و بەند نابێت ، ئەم شارە هەروا دەبێت و زەفەری پێنابرێت و قبوڵی خیانەت ناكات و نۆكه‌ری بێگانه‌ نابێت.

د.جوان احسان فوزی
ئەندامی مەکتەبی سیاسی یەکێتیی نیشتمانی کوردستان