دیلان غەفور: هێرشەکەی سلێمانی پێشێلکاری سەروەری عیراقە

PUKMEDIA

سەرۆکی لیژنەی پەیوەندییەکانی دەرەوە لە پەرلەمانی عیراق

دیلان غەفور سەرۆکی لیژنەی پەیوەندییەکانی دەرەوە لە پەرلەمانی عیراق لە پەیامێکدا ئیدانەی هێرشکردنە سەر فڕۆکەخانەی نیودەوڵەتی سلێمانی دەکات و بە پێشێلکارییەکی مەترسیداری سەروەریی عیراق لە قەڵەمی دەدات.

دەقی پەیامەکە

زۆر بە توندی ئیدانەی هێرشکردنەسەر فڕۆکەخانەی نێودەوڵەتی سلێمانی دەکەین و بە پێشێلکارییەکی مەترسیداری سەروەریی عێراق لە قەڵەمی دەدەین.

ئەو پەلامارە ھاوکاتە لەگەڵ داخستنی ئاسمانی تورکیا بەڕووی فڕۆکەخانەی سلێمانی دا، ئەم پێشھاتانە ئاماژەی دۆخێکی نەخوازراون کە لێکەوتەو کاریگەریی خراپیان دەبێت و ھیچ پاساوێک نابینین بۆ ئەم دۆخە، لایەنی تورکیی ھێشتا عێراقی ئاگادار نەکردووەتەوەو ھیچ پاساوێکی بۆ ئەو ھەنگاوەی لە دژی فڕۆکەخانەی سلێمانی نەخستووەتە ڕوو.

لەگەڵ وەزارەتی دەرەوەی عێراق و لایەنە پەیوەندیدارەکان گفتوگۆمان کردووەو بەردەوام لەسەر ھێڵین، ھەموو ڕێگایەکی سیاسی و دیبلۆماسی دەگرینەبەرو ھەوڵی گفتوگۆو ڕاستکردنەوەی ئەو دۆخە نەخوازراوە دەدەین لەگەڵ حکومەتی تورکیاو باڵیۆزخانەی ئەو وڵاتە لە بەغداد.

دیلان غەفور
سەرۆکی لیژنەی پەیوەندییەکانی دەرەوە لە پەرلەمانی عێراق