فراکسیۆنی یەکێتی: بەتوندی ئیدانەی پەلامارەکەی سەر فرۆکەخانەی نيودەوڵەتی سلێمانی دەکەین

PUKMEDIA

لۆگۆی یەکێتیی نیشتمانیی کوردستان

فراکسیۆنی یەکێتیی نیشتمانیی کوردستان لە ئەنجومەنی نوێنەرانی عیراق لە راگەیاندراوێکدا ئیدانەی هێرشەکەی سەر فرۆکەخانەی سلێمانی دەکات.

دەقی راگەیەندراوەکە

بەتوندی  ئیدانەی پەلامارەکەی سەر فرۆکەخانەی نيودەوڵەتی سلێمانی دەکەین، کە ئێوارەی ئەمڕۆ بەهۆی تەقینەوەیەکەوە کراوەتە ئامانج.
هەروەک داخستنی ئاسمانی تورکیا بەرووی گەشتەکانی فرۆکەخانەی نێودەوڵەتی سلێمانی، بەبێ هیچ هۆکارێکی ئەمنی و تەکنیکی ماییەی نیگەرانی قووڵمانە و لەگەڵ یاسا و رێسا نێودەوڵەتیەکان یەکناگرێتەوە.

داوا لە ئەنجومەنی نوێنەران و حکومەتی عێراق دەکەین لە ئاست ئەم پێشێلکارییانەی سەر سەروەری خاک و ئاسمانی عێراق  بێدەنگ نەبن.
داوا لە رێکخراوی نەتەوەیەکگرتوەکان و رێکخراوی فرۆکەوانی نێودەوڵەتی (ئیکاو) دەکەین فرۆکەخانەی نێودەوڵەتی سلێمانی بپارێزن و لەئاست بەناهەق سزادانی ئەم فرۆکەخانە نێودەوڵەتیە بێدەنگ نەبن.

فراکسیۆنی یەکێتی
لەئەنجومەنی نوێنەرانی عێراق