فراکسیۆنی یەکێتی: رێگە نادەین پێشێلکارییەکانی پارێزگاری کەرکوک بەردەوام بن
کوردستان 10:13 PM - 2023-04-05فراكسیۆنی یەكێتی لە ئەنجومەنی نوێنەرانی عیراق
فراكسیۆنی یەكێتی لە ئەنجومەنی نوێنەرانی عیراق نیگەرانە لەو پێشێلكاریانەی كە پارێزگاری كەركوك بەبێ گەڕانەوە بۆ یاسا لە پارێزگاكە ئەنجامی دەدات و رایدەگەیەنێت: "بودجەی پارێزگاكە بۆ بەرژەوەندی تاكەكەسی پارێزگار تەرخان دەكرێت و كەركوكییەكان دڵنیادەكەینەوە كە رێگا بەبەردەوامی ئەوپێشێلكاریانە نادەین، هاوكات داواش لە دیوانی چاودێری دارایی دەكەن بەوردی چاودێری گرێبەستی پڕۆژەكانی كەركوك و ئاشكراكردنی دۆسیەكانی گەندەڵی بكات".
ئەمشەو 5-4-2023، فراكسیۆنی یەكێتیی نیشتمانیی كوردستان لە ئەنجومەنی نوێنەرانی عیراق لە كۆنگرەیەكی رۆژنامەوانیدا بەیاننامەیەكی ناڕەزایەتیان ئاڕاستەی سەرۆك وەزیرانی عیراق و سەرۆكی لیژنەی دارای ئەنجومەنی نوێنەران و داواكاری گشتی كرد و رایگەیاند: "بەپشتبەستن بەراپۆرتی دیوانی چاودێری دارایی فیدراڵی بۆمان دەركەوتووە كە پارێزگای كەركوك پێویستی بەمیكانیزمێكی روون و شەفافە لە بارەی پێشكەشكردنی پڕۆژە خزمەتگوزارییەكان لە ناوچە جیاجیاكانی پارێزگاكە".
راشیانگەیاند: "لە كاتێكدا بەپێی یاسای ئاسایشی لەناكاوی ژمارە 2ی ساڵی 2022، پێویستەپارێزگاكە پشتبە رێژەی دانیشتووان و پلان و داتای یەكە كارگێڕییەكان ببەستێت لەكاتی جێبەجێكردنی یاساكە بۆیە ئەوەی لە ئێستا روودەدات پێچەوانەی ئەو یاسایەیە و پارێزگاری بەوەكالەتی كەركوك یاسا پێشێلدەكات و ئەو شێوەیەكە لە شێوەكانی گەندەڵی".
پارێزگاری كەركوك دەسەڵاتەكانی بۆ بەرژەوەندی خۆی بەكاردەهێنێت
ئەوەشیان خستەڕوو: "پارێزگاری كەركوك دەسەڵاتەكانی بۆ بەرژەوەندی خۆی و گروپەكانی دەوروبەری بەكاردەهێنێت و لە دیارترین پێشێلكارییەكانیشی بریتیین لە تەرخانكردنی 15% ی بودجەی پارێزگاكە بۆ پڕۆژە ستراتیژییەكان بەبێ ئەوەی هیچ پاڵپشتییەكی یاسایان هەبێت، بۆیە داوا لە سەرۆك وەزیرانی عیراق دەكەین بەدواداچوونی جددی بۆ ئەو پێشێلكاریانە بكات".
فراكسیۆنی یەكێتی: نابێت بودجەی كەركوك بۆ بەرژەوەندی تاكەكەسی تەرخان بكرێت
فراكسیۆنی یەكێتی ئاماژەیان بەوەشدا: " رێنادەن پێشێلكارییەكانی پارێزگاری بەوەكالەتی كەركوك بەردەوام بێت و دەنگ بەپڕۆژەیاسای بودجەی گشتی ساڵی 2023 نادەن ئەگەر بەدواداچوون و چاودێری ورد بۆ كۆی پڕۆژەكانی پارێزگاكە نەكرێت، رێگاش نادەین بودجەی پارێزگاكە بۆ بەرژەوەندی تاكەكەسی پارێزگار تەرخان بكرێت بۆیە دۆسیەكە دەخەنە بەردەم لیژنەی دارایی ئەنجومەنی نوێنەران بۆ ئەوەی ئاگادار بێت لەوەی چی لە كەركوك روودەدات".
داواشیان لە دیوانی چاودێری دارایی كرد هەوڵەكانی بخاتەگەڕ بۆ وردبینیكردن لە گرێبەستی پڕۆژەكانی كەركوك و ئاشكراكردنی دۆسیەكانی گەندەڵی و بەهەدەردانی موڵكی گشتی، هاوكات فراكسیۆنی یەكێتی كەركوكییەكان ئاگادار كردەوە كە بەردەوام دەبن لە چاودێری كردنی پارێزگای كەركوك و كۆتایی هێنان بەو دۆخەی كە لە پارێزگاكە دەگوزەرێت و رەتكردنەوەی ئەو جیاكارییەی لە ناوچە كوردییەكاندا دەكرێت بەتایبەتی هەردوو ناحیەی قەرەهەنجیر و شوان كە رێژەی خزمەتگوزارییانەی پێشكەشیان دەكرێت كەمن".
PUKMEDIA
هەواڵی زیاتر
-
قوباد تاڵەبانی: دواخستنی هەڵبژاردن زیان بە شەرعییەتی هەرێم دەگەیەنێت
06:07 PM - 2024-05-09 -
سەرچاوەیەک: شاسوار لەهەوڵەکانی پارتی بۆ دواخستنی هەڵبژاردن بێدەنگە
12:01 PM - 2024-05-09 -
دژەتیرۆر و هاوپەیمانان 3 تیرۆرست دەستگیردەکەن
10:07 PM - 2024-05-08 -
عیراق بڕیاری چارەسەرکردنی کێشەی جوتیارانی کەرکوک دەدات
08:54 PM - 2024-05-08
ئەمانەش ببینە
سکاڵایەک پڕۆسەی دیموکراسی پەکدەخات
02:32 PM - 2024-05-11
بەغدا مووچەی ئایار دابەشدەکات و هەولێر چاوەڕێی مووچەی نیسانە
11:38 AM - 2024-05-11
دادگای فیدراڵی لهسهر سێ سكاڵای تایبهت بهههرێم كۆدهبێتهوه
10:07 AM - 2024-05-11
دەستەی ناوچە کوردستانییەکان: لەستەمی سەر جوتیارانی گوندی پەلکانە بێدەنگ مەبن
09:29 PM - 2024-05-10
زۆرترین خوێنراو
-
شاڵاو کۆسرەت رەسوڵ بەشداری لە پرسەی خاتوو زەینەب دەکات
پرسەنامە 03:08 PM - 2024-05-11 -
کوپری گەورە پردی بیرەوەری
بیروڕا 02:52 PM - 2024-05-11 -
سکاڵایەک پڕۆسەی دیموکراسی پەکدەخات
کوردستان 02:32 PM - 2024-05-11 -
بەغدا مووچەی ئایار دابەشدەکات و هەولێر چاوەڕێی مووچەی نیسانە
کوردستان 11:38 AM - 2024-05-11 -
دادگای فیدراڵی لهسهر سێ سكاڵای تایبهت بهههرێم كۆدهبێتهوه
کوردستان 10:07 AM - 2024-05-11 -
هاوخەمی سەرۆک بافڵ بۆکۆچی دوایی مام سەعید گەڵاڵی
پرسەنامە 10:38 PM - 2024-05-10 -
دەستەی ناوچە کوردستانییەکان: لەستەمی سەر جوتیارانی گوندی پەلکانە بێدەنگ مەبن
کوردستان 09:29 PM - 2024-05-10 -
هاوخەمی قوباد تاڵەبانی بۆ کۆچیدوای مام سەعید
پرسەنامە 04:38 PM - 2024-05-10