مانگە شەو سەر لەئێوارە دیارە

PUKMEDIA

رێبوار ستار

رێبوار ستار

‎ئەوەی ئێستا  بۆ ئێوە بووە بەدەستكەوتی نیشتمانی و كردوتانەتە  هەرا لەسەری و دەهۆڵی بۆ لێدەدەن كە لەگەڵ حكومەتی فیدراڵ رێككەوتوون لەسەر هەناردەكردنی نەوتی هەرێم و رێككەوتنی رەسمی بۆ دەكەن لەڕێگای سۆمۆوە نەوتەكە بنێرن، ئەوە هەر ئەوەیە كە چەند وەختە یەكێتیی نیشتمانیی كوردستان هەوڵی بۆ دەدات و كێشەی سەرەكی لەگەڵ ئێوە ئەوە بووە و بەشێكی كێشەكانە لەهەموو دانیشتن و دانوستانەكاندا، یەكێك لە مەرج و قسەكانی یەكێتی ئەوەبووە كە رێككەوتن لەگەڵ بەغداد بكەین، كە  ساڵ زیاترە سەرۆك بافڵ لەهەوڵی ئەوەدایە كەلەگەڵ حكومەتی فیدراڵ رێكبكەوین یەكێك لەبابەتە هەرە گرنگەكان پرسی هەناردەكردنی نەوتە لەڕێگەی بەغداوە بۆ ئەوەی خەڵكی هەرێمی كوردستان لەم نەهامەتییە رزگاری ببێت، چونكە هەناردەكردنی ئەم نەوتە بەو شێوەیەی ئێوە كردتان لەڕابردوودا بۆتە مۆتەكە بۆ سەر ژیان و گوزەرانی خەڵك، تاگەیشتە ئەو ئاستەی  هەرێمەكەمان بەرەو هەڵدێر ببات. 

‎ئەویش بەهۆی تاكڕەوی لەدەسەڵات و حوكمڕانی غروری سیادیتانەوە وای لێهاتبوو غروریتان گەیشتبووە لوتكە، ئەویش بەهۆی بەرژەوەندییە حزبی و بنەماڵەییەكەتان بوو بەڵام ئەمڕۆ كە بارتان لەلێژیدایە زۆر پەلەتان بوو  دیسان تاكڕەوانە گەیشتنە بەغدا، لەڕێككەوتنێكی ژێربەژێردا بۆ گەیشتن بەمەرامە تایبەتییەكانی حزبیتان نەك بۆ بەرژەوەندی خەڵك گەر ئێوە بەتەنگ خەڵكەوبوون ساڵانێكە ئەم سەرۆك حكومەتەی ئێستا بەپەلە دەگاتە بەغدا كەخەڵك بەدەست كێشەی نەبوونی موچە و پاشەكەوتی موچە و خزمەتگوزارییەوە دەیناڵاند بەڵام ئەو لوتبەرزییەتان لەئاسمانبوو و ئەمڕۆ زۆر بەشەرمەوە واژۆ لەسەر ئەو رێككەوتنە دەكەن و دەیكەنە منەت بەسەر خەڵكەوە بۆیە سیاسەتی یەكێتی و سەرۆكەكەی دەمێكە بیری لەوەكردبۆوە و كاری زۆریشی لەسەركردووە بەو هیوایەی ئەم رێككەوتنتان بۆ بەرژەوەندی تایبەتی نەبێت بۆ خزمەتی خەڵك بێت ئیتر كوردایەتیمان پێ مەفرۆشنەوە وەك قۆناغی ریفراندۆمەكە و ئابووری سیاسی كەكردتان بۆیە مانگەشەو سەر لەئێوارە دیارە.

PUKMEDIA