ئاراس محەمەد ئاغا: چیتر داهاتی نەوت ناچێتە گیرفانی تاکە حزب

PUKMEDIA

ئاراس محەمەد ئاغا

ئەندامێکی سەرکردایەتی یەکێتی دوای رێککەوتنی حکومەتی هەرێم و بەغدا لەسەر پرسی نەوت دەڵێت: "چیتر داهاتی نەوت ناشەفاف نابێت و ناچێتە گیرفانی تاکە حزب بۆ برسی کردنی جەماوەری کوردستان و پەڕاوێزخستن و ئابڵۆقەدانی نیوەی کوردستان ".

‎

ئاراس محەمەد ئاغا  ئەندامی سەرکردایەتی یەکێتیی نیشتمانیی کوردستان دەڵێت: "راستە ئەمڕۆ دوێنی نیە چونکە دوێنێ نەوتەکەمان لەژێر دەسەڵاتی داگیرکەرانی کوردستاندا بوو، بە پارەی خۆمان کوردستان بۆردمان دەکرا، شکور بۆ خوا ئەمرۆ نەوتەکە لە ژێر دەسەڵاتی داگیرکەرانی کوردستان و تاڵانچیەکانی نەوت دەرهێنرا".

‎"بەیانیش ئەمڕۆ نابێت چونکە چیتر داهاتی نەوت ناشەفاف نابێت و ناچێتە گیرفانی تاکە حزب بۆ برسی کردنی جەماوەری کوردستان و پەڕاوێزخستن و ئابڵۆقەدانی نیوەی کوردستان"، ئاراس محەمەد ئاغا وایوت.

‎دەشڵێت: "هیچ لایەنێک ئارەزووی نیە ببێتە بەشێک لە سیاسەتی شکستخواردوویی چەند ساڵی رابردوو، ئەم دەستکەوتەی خۆبەدەستەوەدانی لە ژێر فشارو بە ناچاری پیرۆزتان بێت، گەڕانەوەی پارەی دزراوی نەوت و دەرهێنانی لەژێر دەسەڵاتی زوڵم و ستەمکاران پیرۆزبێت لە تەواوی هاووڵاتیان کوردستان".

PUKMEDIA