لەمەودوا داهاتی نەوتی كوردستان لە دەستێكی ئەمیندایە

PUKMEDIA

ئاوات خەیروڵڵا

نووسینی... ئاوات خەیروڵڵا

ئەگەر بێت بڕیارەكەی دادگای پاریس بەتەواوی جێبەجێ بكرێت، ئەوا لەماوەی چەند ساڵێكی كەمدا نەوت و داهاتەكەی و پرسی بودجە و مووچە و قوتی خەڵك لای بەغدا دەبێت و ئاهێك بۆ هاوڵاتییان دەگەڕێتەوە. 

شكستی سیاسەتی ئابوریی سەربەخۆ و فرۆشتنی نەوت و گرێبەستە ناشەفافەكانی جگە لە ماڵوێرانی هیچی تری بۆ خەڵك پێنەبووە. 

چونكە ئەو ئەو دۆسیە لە بازنەیەكی تەسكی بنەماڵەیی لەنێوان بنەماڵەی بارزانی و ئەردۆغاندا قەتیس كرابوو، قەرزەكەی بۆ خەڵك بوو، داهاتەكەشی زۆر ناڕوون و ناشەفاف بوو.  

لە هەنگاوی یەكەمدا دڵخۆشین بەم رێككەوتنە ناچارییەكەی ئەمڕۆ  و بەخێربێنەوە بۆ بەغدا، ئەو بەغدایەی كە لەماوەی چەند ساڵی رابردوو قسە و دروشمی ناشرین نەما بە كادر تا سەركردەكانی پارتی نەما قسەی پێنەڵێن.

ئەو 10 ساڵەی رابوورد، نەهامەتی بو بۆ خەڵك، بۆیە ئێستا دڵخۆشن بەوەی كە دەگەڕێینەوە بۆ بەغدا

هەوڵی چەند ساڵەی تیمی یەكێتی و هەوڵەكانی بافڵ جەلال تاڵەبانی سەرۆكی یەكێتیی نیشتمانیی كوردستان گەیشتنەجێ،عەرابی رێككەوتنەكانیش روونە كە چەند ساڵە ئەوە خواستی یەكێتی بووە.

بە دڵنیاییەوە بڕیارەكەی پاریسیش وایكرد كە پارتی ملكەچی بڕیارەكە بێت و بە ناچارییەوە رووەوە و بەغدا بێت.