کار بۆ رێکخستنەوەی ئۆرگانەکانی یەکێتی دەکرێت

فۆتۆ:دەرباز ستار

کۆبوونەوەی وەفدێکی یەکێتی لەگەڵ مەڵبەندی کۆیە

وەفدێکی یەکێتی لەگەڵ هەڤاڵانی مەڵبەندی کۆیە کۆبوەوە و تەئکید لە  هەنگاوەکانی پێداچونەوە و ڕێکخستنەوەی ئۆڕگانەکان و ناوەند و کۆمەڵە و ڕێکخراوەکان کرایەوە لەپێناوی تۆکمەکردنەوەی  رێکخستنەکان و باشترکردنی کاری حزبی و رێکخراوەیی.

رۆژی ٣-٤-٢٠٢٣ لەبارەگای مەڵبەندی ١٤ی كۆیە لە سێ كۆبوونەوەی جیادا هەریەک لە رزگار عەلی ئەندامی دەستەی کارگێری مەکتەبی سیاسی یەكێتیی نیشتیمانیی كوردستان و سەعدی ئەحمەد پیرە ئەندامی مەکتەبی سیاسی بە ئامادەبوونی  رەهبەر سەید برایم و فەوزیە نەزیف و ئەبوزێد ساڵح ئەندامانی سەرکردایەتی و  عوسمان بانیمارانی ، لەگەڵ  جێگرو لێپرسراوی بەش و ئەنجومەنەکانی مەڵبەند و  ڕاوێژکاری و پشتیوانی مەڵبەندی کۆیە و ناوەندی ڕێکخراوەکان و کۆمەڵەی پێشمەرگە دێرینەکانی کوردستان و کۆمەڵەی پێشمەرگە دێرینەکانی یەکێتی و زیندانیانی سیاسی و کەمئەندامانی سەنگەر و ناوەندی کۆمەڵایەتی و ڕێکخستنە دێرینەکان و یەکێتی ژنان، کۆبوونەوە. 
‎

لە کۆبونەوەکەدا باس لە پێداچوونەوە و رێکخستنەوەی ئۆرگانە حزبییەکان و بارودۆخی گشتی سیاسی هەرێمی کوردستان و عیراق کرا، جەختکرایەوە لە پێداچونەوە و ڕێکخستنەوەی ئۆڕگانەکان و ناوەند و کۆمەڵە و ڕێکخراوەکان بە مەبەستی تۆکمەکردنەوەی  ڕێکخستنەکان و باشتر کردنی کاری حزبی و ڕێکخراوەیی خزمەتکردن بە چین و توێژەکان و کۆمەڵانی خەڵک بە گشتی و کۆیە بە تایبەت کە دەڤەرێکی گرنگ و پڕ بایەخە  لە سەرجەم شۆڕشەکانی بزوتنەوەی ڕزگاریخوازی گەلی کورد و شۆڕشی نوێی گەلەکەمان .

PUKMEDIA