مافی مرۆڤ لهسهر ئهتككردنی گۆرانیبێژهكهی ههولێر كۆدهبێتهوه
کوردستان 04:53 PM - 2023-04-01مافی مرۆڤی پهرلهمان: قسهمان دهبێت
ئهتككردنی گۆرانی بێژێكی میللی ههولێر لهلایهن كادرێكی پارتییهوه دهنگدانهوهی زۆری له سۆشیالمیدیا لێكهوتهوهو وایكرد ئاسایشی ههولێر دهستگیركردنی كادرهكهی پارتی رابگهیهنێت، ئهندامێكی پێشووی پهرلهمانی كوردستانیش دهڵێت:" پێشێلكاری بهرامبهر به زیندانیان له ههولێر و دهۆك، ههروهها سهر تاشین و ئهتككردنی هونهرمهندی میللی له پایتهختی كوردستان نمونهیهكی بچوكی ئهم كابینهیهی حكومهتی ههرێمه".
مافی مرۆڤی پهرلهمان: قسهمان دهبێت
گۆرانی بێژێكی میللی ههولێر دوای ئهوهی زۆر له كادرهكهی پارتی دهپاڕێتهوه كه واز لهسوكایهتی پێكردنی بهێنێت، بهڵام كادرهكهی پارتی سووره لهسهر ئهوهی ئهتكی بكات و بههاوڕێكهشی دهڵێت:" ڤیدیۆی بكه" ههتا وهك بهڵگهیهك بۆ سوكایهتی كردن بهو هونهرمهنده پێی بێت، سهرۆكی لیژنهی مافی مرۆڤ لهپهرلهمانی كوردستانیش ئیدانهی ئهو كردهوهیه نامرۆڤانهیه دهكات و دهڵێت:" لهسهر كهیسی ئهتككردن و سهرتاشینی هونهرمهندێكی میللی لهههولێر لهلایهن كادرێكی پارتی دیموكراتی كوردستانهوه له رۆژانی داهاتوو قسهیان دهبێت".
رۆمیۆ حوزهیران نیسان سهرۆكی لیژنهی كاروباری كۆمهڵایهتی و داكۆكیردن له مافی مرۆڤ له پهرلهمانی كوردستان به سایتی رهسمی یهكێتیی نیشتمانیی كوردستان PUKMEDIA ی راگهیاند: "ههر كردهوهو توندوتیژییهك دژی مافی مرۆڤ لهههرێمی كوردستان بكرێت ئیدانهی دهكهین و لهرۆژانی داهاتوودا لهسهر ئهتككردنی گۆرانی بێژێكی میلی ههولێر قسهمان دهبێت".
" لهرۆژانی ئایندهدا لیژنهكهمان لهسهر ئهتككردنی گۆرانیبێژهكهی ههولێر كۆدهبیینهوهو راپۆرتی خۆمان دهدهینه سهرۆكایهتی پهرلهمان و داوای ههڵوێستی جدی له پهرلهمان دهكهین".
ئهتككردنی گۆرانی بێژێكی ههولێر نمونهیهكی بچوكی كابینهی نۆیه
داوا دهكرێت یاسا سهروهر بێت و رێگهنهدرێت لهوه زیاتر پێشێلكاری بهرامبهر مافی مرۆڤ لهههرێمی كوردستان ئهنجامبدرێت لهكاتێكدا رێكخراوه نێودهوڵهتییهكان باس لهپێشێلكردنی مافی مرۆڤ دهكهن بهتایبهت لهم كابینهی نۆدا.
د. شێركۆ جهودهت ئهندامی پێشووی پهرلهمانی كوردستان به دهنگی گهلی كوردستانی راگهیاند: "ناكرێت ههركهسێك تاوانی كرد پێشلكاری مافی مرۆڤی بهرامبهر بكرێت، بهڵكو دهبێت به یاسا مامهڵهی لهگهڵدا بكرێت، نهوهك به ئهتككردن و ئیهانهكردنی كهرامهتی وهكو مرۆڤ".
"لهههرێمی كوردستان كهرامهتی مرۆڤ ههم لهرووی دینییهوه و ههم لهرووی یاساییهوه گرنگی پێدراوهو ئهگهر كهسێك تاوانباریش بێت، نابێت ئهتكبكرێت و لهكهسایهتی بدرێت"، د.شێركۆ جهودهت وایوت.
سهبارهت به پێشێلکردنی مافی مرۆڤ، د. شێركۆ جهودهت رایگهیاند: "پێشێلكاری بهرامبهر به زیندانیان له ههولێر و دهۆك، ههروهها سهر تاشین و ئهتككردنی هونهرمهندی میللی له پایتهختی كوردستان نمونهیهكی بچوكی ئهم كابینهیهی حكومهتی ههرێمه".
مانگێك پێش ئێستا له رۆژی 4-3-2023 دا د. نهوزاد ساڵح كه پزیشكێكی شاری دهۆك بوو له كۆنگرهیهكی رۆژنامهوانیدا رایگهیاند: " لهترسی كوڕهكهی بهدهل بهندی، فهرماندهی سهربازیی سهر بهپارتی، لهدهۆكهوه ههڵهاتووم بۆ ههولێر و لێرهش مهترسی لهسهر ژیانم ههیه".
پێشێلكردنی مافی مرۆڤ لهههرێمی كوردستان له پاشهكشێدایه
سوكایهتی كردن به گۆرانیبێژی میللی ههولێر (دانی سویدی) لهلایهن كادرێكی پارتی دیموكراتی كوردستانهوه بهناوی (كهیفی سابیر حهمهد) له پایتهختی ههرێمی كوردستان لهكاتێكدایه رێكخراوهكانی مافی مرۆڤ چاودێری رهوشی مافی مرۆڤ لهههرێمی كوردستان دهكهن و ساڵانه له راپۆرتی تایبهتیاندا پێشێلكارییهكانی مافی مرۆڤ لهههرێمی كوردستان بڵاودهكهنهوه.
بهپێی بهدواداچونێكی PUKMEDIA ، له دوو ساڵی رابردوودا زیاتر له 30 رێكخراوی نێودهوڵهتی راپۆرتی پێشێلكارییهكانی مافی مرۆڤیان لهههرێمی كوردستان بڵاوكردوهتهوهو ئهوهیان خستووهتهڕوو: "پێشێلكردنی مافی مرۆڤ لهههرێمی كوردستان له پاشهكشێی زۆردایه و حزب لهههولێر و دهۆك دهستوهردان له دادگاكاندا دهكات و بهفهرمانی حزبی هاووڵاتی ئاسایی و رۆژنامهنوسان و چالاكوانانی مهدهنی به ماددهی جۆراوجۆر دهستگیردهكرێن و سزا دهدرێن."
بابهتی پهیوهندیدار
ئاسایشی پارتی به ئهشكهنجه گهنجێك دهكاته "بهغدادی"
پزیشكێك: فهرماندهیهكی زێرهڤانی یهك ساڵه مووچهكهم پێنادات
هەواڵی زیاتر
-
شاڵاو کۆسرەت رەسوڵ سەردانی ژمارەیەک کەسایەتی ناسراو دەکات
09:47 PM - 2024-04-30 -
مەکتەبی سیاسی: کرێکاران لەنێو كاروانی بزوتنەوەی كوردایەتییدا پێشەنگ بوون
08:50 PM - 2024-04-30 -
قوباد تاڵەبانی: هەر هەوڵێک بۆ دواخستنی هەڵبژاردن رەتدەکەینەوە
05:41 PM - 2024-04-30 -
چوار باڵیۆزی نوێ لهعیراق دهستبهكار دهبن
04:48 PM - 2024-04-30
ئەمانەش ببینە
عیراق رۆژانە 720 تۆن غازی ماڵان بۆ هەرێم دەنێرێت
04:39 PM - 2024-04-30
مهكتهبی سیاسی كۆدهبێتهوه
03:50 PM - 2024-04-30
دارایی هەرێم چاوەڕوانی پارەیە بۆ مووچەی مانگی نیسان
02:57 PM - 2024-04-30
شەڕی یاسایی بۆ گەڕاندنەوەی موڵک و ماڵی کەرکوک دەکرێت
11:01 AM - 2024-04-30
زۆرترین خوێنراو
-
مەکتەبی سکرتارییەت: لە خزمەتی شۆڕشگێڕانی گەلەکەماندا دەبین
ی ن ک 03:01 PM - 2024-04-30 -
دارایی هەرێم چاوەڕوانی پارەیە بۆ مووچەی مانگی نیسان
کوردستان 02:57 PM - 2024-04-30 -
پرسەنامەی سەرۆک بافڵ بۆ خانەوادەی مامۆستا کامیل ژیر
پرسەنامە 02:07 PM - 2024-04-30 -
کۆمپانیای ئاسیاسێڵ و هواوی سەرقافڵەی وەرچەرخانی کەرتی پەیوەندییەکانن لە عێراق
کوردستان 12:24 PM - 2024-04-30 -
پرسەنامەی قوباد تاڵەبانی بۆکۆچیدوایی خاتوو ئازیز
پرسەنامە 12:07 PM - 2024-04-30 -
هاوخەمی قوباد تاڵەبانی بۆکۆچیدوایی کامیل ژیر
پرسەنامە 12:05 PM - 2024-04-30 -
هاوخەمی قوباد تاڵەبانی بۆکۆچیدوایی حاجی حامید
پرسەنامە 12:01 PM - 2024-04-30 -
شەڕی یاسایی بۆ گەڕاندنەوەی موڵک و ماڵی کەرکوک دەکرێت
کوردستان 11:01 AM - 2024-04-30