riklam

کادیرێکی پارتی سوکایەتی بە گۆرانیبێژێکی میللی هەولێر دەکات

کوردستان 07:45 PM - 2023-03-31
کەیفی سابیر حەمەد PUKMEDIA

کەیفی سابیر حەمەد

پارتی دیموکراتی کوردستان پێشێلکارییەکان

کادرێکی پارتی سوکایەتی بە گۆرانیبێژێکی میلی شاری هەولێر دەکات و لە سەرتاشخانەیەک وەک ئەتککردنێک سەری سفر دەکات، بەتۆمەتی ئەوەی کە قسەی بە پارتی دیموکراتی کوردستان وتووە، ئەمەش لەکاتێکدایە بەپێی بەدواداچونەکانی PUKMEDIA لە دوو ساڵی رابردووی کابینەکەی مەسرور بارزانیدا زیاتر لە ٣٠ رێکخراوی نێودەوڵەتی راپۆرتی پێشێلکارییەکانی مافی مرۆڤیان لە هەرێمی کوردستان بڵاو کردوەتەوەو ئاماژە بەوە دەکەن: "مافی مرۆڤ لەهەرێمی کوردستان لەپاشەکشێی ئاشکرادایەو حزب دەستوەردانی لە دادگاکاندا کردووە".

 

لە تۆمارێکی ڤیدیۆیدا کەلە سۆشیاڵ میدیا بڵاو بوەتەوە لەناو شاری هەولێردا کادرێکی پارتی بەناوی کەیفی سابیر حەمەد لەناو سەرتاشخانەیەکدا هێرش دەکاتە سەر گۆرانیبێژی میللی دانی سویدی و سوکایەتی پێدەکات و سەری دەتاشێت.

 

لەپاش روداوەکەش گۆرانیبێژە میللیەکە گرتەیەکی ڤیدیۆیی بڵاوکردەوەو ئاماژە بەوە دەکات کە تۆمەتبارەکە دەستگیر کراوە، ئاسایشی هەولێریش دەستگیرکردنی کەیفی سابیر حەمەد پشڕاست دەکاتەوەو ئاماژە بەوەدەکات: "روداوەکە لە ١٤ی ٣ی ٢٠٢٣ رویداوەو لێکۆڵینەوە لە رووداوەکە دەستیپێکردوە".

 

لە دوو ساڵی رابردوودا بەپێی ئەو بەدواداچونەی PUKMEDIA کردویەتی زیاتر لە ٣٠ رێکخراوی نێودەوڵەتی راپۆرتی پێشێلکارییەکانی مافی مرۆڤیان لەهەرێمی کوردستان خستوەتەروو، کە نوێترینیان راپۆرتی رێکخراوی لێبوردنی نێودەوڵەتی ئەمنستی ئینتەرناشناڵ، لەگەڵ ئەوەشدا لەدوو هەفتەی رابردوودا رێکخراوی هیومان رایتس هۆچ و وەزارەتی دەرەوەی ئەمریکا و کۆنسوڵی ئەمریکا و پێگەی فۆرن پۆلیسی ئەمریکی پێشێلکارییەکانی مافی مرۆڤی لەهەرێمی کوردستان خستوەتە روو، ئاماژە بەوە دەکەن کەپێشێلکردنی مافی مرۆڤ لەهەرێمی کوردستان لە پاشەکشێی زۆردایە و حزب لەهەولێر و دهۆک دەستوەردان لە دادگاکاندا دەکات و بەفەرمانی حزبی هاووڵاتی ئاسایی و رۆژنامەنوسان و چالاکوانانی مەدەنی بە ماددەی جۆراوجۆر دەستگیردەکرێن و سزا دەدرێن.

 

سوکایەتی کردن بە گۆرانیبێژی میللی دانی سویدی لەکاتێکدایە رێکخراوەکانی مافی مرۆڤ چاودێری رەوشی مافی مرۆڤ لەهەرێمی کوردستان دەکەن و ساڵانە لە راپۆرتی تایبەتیاندا پێشێلکارییەکانی هەرێمی کوردستان بڵاودەکەنەوە.

 

ئاراس محەمەد ئاغا ئەندامی سەرکردایەتی یەکێتیی نیشتمانیی کوردستان لەبارەی پێشێلکردنی مافی مرۆڤ لە هەرێمی کوردستان بە سایتی رەسمی یەکێتیی نیشتمانیی کوردستان PUKMEDIA ی راگەیاند: "کابینەی نۆ بەسەرۆکایەتی مەسرور بارزانی بەپێی راپۆرتە نێودەوڵەتییەکان خراپترین کابینەکانی حکومەتی هەرێمی کوردستان بووە لەماوەی رابردوودا و زۆرترین توندوتیژی بەرامبەر بە هاووڵاتیان و رۆژنامەنوسان کراوەو ئازادی رادەربڕین تێیدا بەرتەسک کراوەتەوە.

 

PUKMEDIA

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket