ئاراس محەمەد ئاغا: ڕاپۆرتە نێودەوڵەتییەکان بەڵگەی ڕاستی و دروستی کابینەی نۆیە

PUKMEDIA

ئاراس محەمەد ئاغا

ئەندامێکی سەرکردایەتی یەکێتی رایدەگەیەنێت: "راپۆرتە نێودەوڵەتییەکان بەڵگەن لەسەر ئەوەی کابینەی نۆی حکومەتی هەرێم پاشەکشەی کردوە لەهەموو بوارێکدا و لەگەڵ خەڵک و لایەنەکانیش راستگۆ نەبووە".

ئاراس محه‌مه‌د ئاغا ئه‌ندامی سه‌ركردایه‌تی یه‌كێتیی نیشتمانیی كوردستان به‌ سایتی ره‌سمی یه‌كێتیی نیشتمانیی كوردستان PUKMEDIA ی راگه‌یاند: " کابینەی نۆ له‌گه‌ڵ لایه‌نه‌كان و خه‌ڵكیشدا راستگۆ نه‌بوو، بەڵێنەکانی جێبەجێ نەکردو بارودۆخی خەڵکیش خراپتر بوو".

"بڵاوکردنەوەی ڕاپۆرتە نێودەوڵەتییەکان بەڵگەی ڕاستی و دروستی کابینەی نۆیەو هەرێم لەهەموو بورەکاندا پاشەکشەی کردوەو ئەمەش ناوبانگی هەرێمی لەکەدار کردووە "، ئاراس محه‌مه‌د ئاغا واده‌ڵێت.

ده‌شڵێت: "جیاکاری و پشتگوێ خستنی سلێمانی و هەڵەبجەو ئیدارەی ڕاپەرین و گەرمیان دیارییەکی دیکەی ئەم کابینەیەبوو بۆ خەڵک و بەراورد بە کابینەکانی پێشوو شکستخوارتووترینەو جیاکاری تۆخترکردەوە".

به‌پێی نوێترین راپۆرته‌ نێوده‌وڵه‌تییه‌كانی هه‌رێمی كوردستان له‌پاشه‌كشه‌ی زۆری ئازادی راده‌بڕین و مافی مرۆڤه‌و چاودێرانی سیاسیش پێیانوایه‌، ئه‌م كابینه‌یه‌ی حكومه‌تی هه‌رێم كابینه‌یه‌كی پۆلیسی بووه‌و كاریگه‌ری خراپی له‌سه‌ر ناوبانگی هه‌رێم دروستكردوه‌.

PUKMEDIA