داهاتی هەفتەی رابردووی سلێمانی زیاترە لە 21 ملیار

PUKMEDIA

شەفافیەت

شەفافیەت داهاتی یەك هەفتەی سلێمانی رادەگەیەنێت كە زیاترە لە 21 ملیار دینار.

داهاتی یەك هەفتەی سلێمانی لە رۆژی 25-3- 2023 تا 31-3-2023، بڕی 21 ملیار و 456 ملیۆن و 939 هەزار و 637 دینار بووە، بەجۆرێك كە زیاد لە 15 ملیار دیناری نەختینەیە و هەروەها زیاد لە 5 ملیار دینار بەشێوەی چەكە و زیاتر لە 8 ملیۆن دیناریش مقاصەیە.

سایتی شەفافیەت بۆ چاودێری و رێكخستنی داهاتە نانەوتییەكانی سلێمانی و هەڵەبجە و هەردوو ئیدارەی راپەڕین و گەرمیان داهاتی یەك هەفتەی راگەیاندووە بەشێوەیەك، داهات بڕی 21 ملیار و 456 ملیۆن و 939 هەزار و 637 دینار بووە، بەجۆرێك كە 15 ملیار و 990 ملیۆن و 474 هەزار و 47 دیناری واتە %74 نەختینەیە و هەروەها 5 ملیۆن و 458 ملیۆن و 462 هەزار و 5 دینار واتە %25  بەشێوەی چەكە و بڕی 8 ملیۆن و 3 هەزار و 110 دینار مقاصەیە.

رۆژی 15-12-2022 دوای 30 ساڵ، حكومەتی هەرێمی كوردستان لەسەر دەستی قوباد تاڵەبانی بوو بەخاوەنی پرۆژەی شەفافییەت لە داهات و خەرجی.

ئێستا رۆژانە دەتوانیت سەرجەم داهاتە نانەوتییەكانی پارێزگاكانی سلێمانی و هەڵەبجە و هەردوو ئیدارەی سەربەخۆی گەرمیان و راپەڕین لەسایتی شەفافییەتەوە بزانیت.

بەپێی نوێترین ئاماری سایتی شەفافیەت   www.shafafiat.com، بڕیاریشە هەموو رۆژێك داهاتی ئەو شوێنانە بڵاوبكرێتەوە.

PUKMEDIA