هێرۆ مستەفا نۆ زمان دەزانێ و سەرۆكی ئەمریكا بۆ باڵیۆز كاندیدی دەكات
کوردستان 12:57 PM - 2023-03-30هێرۆ مستەفا گارگ
جۆبایدن سەرۆكی ویلایەتەیەكگرتووەكانی ئەمریكا ژنێكی كورد كاندید دەكات بۆ باڵیۆزی وڵاتەكەی لە میسر كە 9 زمان دەزانێت و پێشتریش چوارساڵ باڵیۆزی ئەمریكابووە لە بولگاریا.
هێرۆ مستەفای تەمەن 50 ساڵ كە لە دایكبووی شاری هەولێرە، كاندیدی سەرۆكی ئەمریكایە بۆ باڵیۆزی میسر و خاوەنی بڕوانامەی ماستەرە.
كاندیدەكەی بایدن پێشتر باڵیۆزی بولگاریا بووە
بە گوێرەی راگەیەندراوێكی كۆشكی سپی كە 29/3/2023 بڵاویكردەوە، هێرۆ مستەفای وەك كاندیدی سەرۆكی ئەمریكا بۆ ئەو پۆستە دیپلۆماسییە ئاشكرا كردو دەڵێت:" خاتوو هێرۆ مستەفا كەسێكی خاوەن ئەزموونە و پێشتریش باڵیۆزی ئەمریكا بووە لە بولگاریا لە ساڵی 2019تا 2023 و هەروەها لە عیراق، پورتوگال، هیندستان، لوبنان و یۆنان لە سلكی باڵای دیپلۆماسیی جۆراوجۆردا ئەركی پێدراوە و كاریكردووە".
"كاندیدەكەی سەرۆكی ئەمریكا ، زمانەكانی كوردی و ئینگلیزی، عەرەبی، فارسی، توركی، یۆنانی، پۆرتوگالی و ئیسپانی دەزانێت و خەڵاتی "ماتیڵدا سینكلێری" تایبەت بە زمانی پێ بەخشراوە". راگەیەندراوەكەی كۆشكی سپی وادەڵێت.
ئەنجومەنی پیران دوا بڕیار لەسەر هێرۆ دەدات
هێرۆ مستەفا ساڵی 1975 لە شاری هەولێر لە دایكبووە و تەمەنی یەك ساڵ بووە كە خێزانەكەی لە ساڵی 1976 كۆچی كردووە بۆ ویلایەتەیەكگرتووەكانی ئەمریكا و خاوەنی بڕوانامەی بەكالۆریۆسە لە كۆلێژی خزمەتی سیاسەتی دەرەوە لە زانكۆی جۆرج تاون و لە زانكۆی پریستن بڕوانامەی ماستەری بەدەستهێناوە.
كۆشكی سپی لە بارەی لێهاتوویی ئەم خاتوونە كوردەوە دەڵێت:" دامەزراوەی كارنجی ساڵی 2021 هێرۆ مستەفای خەڵاتكردووە، كە یەكێكە لە سەركەوتووترینەكانی ناو ئەوانەی كۆچیان بۆ ئەمریكا كردووە"،بۆ ئەوەی هێرو مستەفا ببێتە باڵیۆزی ئەمریكا لە میسر، پێویستە ئەنجومەنی پیرانی ئەمریكا، كاندیدەكەی سەرۆكی ئەمریكا بۆ ئەو پۆستە دیپلۆماسیە پەسەند بكات.
هێرۆ مستەفا لە ئۆكتۆبەری ٢٠١٩ تا ئازاری ٢٠٢٣ وەك باڵیۆزی ئەمریكا لە كۆماری بولگاریا كاری كردووە كە لەلایەن دۆناڵد ترەمپ سەرۆكی پێشووتری ئەمریكاوە كاندید كرابوو، ئێستاش لەلایەن جۆبایدنەوە كاندیكراوەتەوە بۆ ئەو پۆستە دیپلۆماسیە.
PUKMEDIA، سەرچاوە: كۆشكی سپی
هەواڵی زیاتر
-
سەرۆک بافڵ بەشداری پرسەی هەڤاڵ عەلی شامار تێکۆشەری دێرین دەکات
07:37 PM - 2024-04-23 -
کوردێک دەبێتە بەڕێوەبەری بەڕێوەبەرایەتیی وەبەرهێنانی سەلاحەدین
04:11 PM - 2024-04-23 -
فەرماندەی هێزەکانی ئەڵمانیا لەسەر مەزاری مام کۆتایی بە ئەرکەکەی هێنا
12:02 PM - 2024-04-23 -
لێپرسراوی نوێی مەڵبەندی چەمچەماڵی یەکێتی دەستبەکار دەبێت
10:52 AM - 2024-04-23
ئەمانەش ببینە
خەڵاتی زێڕینی بلە بە 10 کەسایەتی نمونەیی بەخشرا
04:30 PM - 2024-04-23
PUKMEDIA بهشێك لهگفتوگۆكانی كۆبوونهوهی سودانی و بلینكن بڵاودهكاتهوه
03:28 PM - 2024-04-23
قوباد تاڵەبانی داوای لابردنی گەمارۆی سەر فڕۆکەخانەی سلێمانی دەکات
11:33 AM - 2024-04-23
ئەمڕۆ خەڵاتی زێرینی بلە دابەشدەکرێت
09:29 AM - 2024-04-23
زۆرترین خوێنراو
-
سەرۆک بافڵ بەشداری پرسەی هەڤاڵ عەلی شامار تێکۆشەری دێرین دەکات
کوردستان 07:37 PM - 2024-04-23 -
پرسەنامەی شاڵاو کۆسرەت رەسوڵ بۆ خانەوادەی مامۆستا جەمال هیدایەت
پرسەنامە 06:36 PM - 2024-04-23 -
خەڵاتی زێڕینی بلە بە 10 کەسایەتی نمونەیی بەخشرا
کوردستان 04:30 PM - 2024-04-23 -
کوردێک دەبێتە بەڕێوەبەری بەڕێوەبەرایەتیی وەبەرهێنانی سەلاحەدین
کوردستان 04:11 PM - 2024-04-23 -
PUKMEDIA بهشێك لهگفتوگۆكانی كۆبوونهوهی سودانی و بلینكن بڵاودهكاتهوه
کوردستان 03:28 PM - 2024-04-23 -
فەرماندەی هێزەکانی ئەڵمانیا لەسەر مەزاری مام کۆتایی بە ئەرکەکەی هێنا
کوردستان 12:02 PM - 2024-04-23 -
قوباد تاڵەبانی داوای لابردنی گەمارۆی سەر فڕۆکەخانەی سلێمانی دەکات
کوردستان 11:33 AM - 2024-04-23 -
لێپرسراوی نوێی مەڵبەندی چەمچەماڵی یەکێتی دەستبەکار دەبێت
ی ن ک 10:52 AM - 2024-04-23