riklam

وەزیری دەرەوەی ئەڵمانیا: قوباد تاڵەبانی خواستیبوو هەرێم بخاتە سەر رێرەوێکی نوێ

کوردستان 12:18 PM - 2023-03-29
قوباد تاڵەبانی و وەزیری دەرەوەی ئەڵمانیا PUKMEDIA

قوباد تاڵەبانی و وەزیری دەرەوەی ئەڵمانیا

قوباد تاڵەبانی

ئەنالێنا بێربۆک وەزیری دەرەوەی ئەڵمانیا لە نامەیەکدا بۆ قوباد تاڵەبانی جێگری سەرۆک وەزیران هیوای خواستووە پەیوەندییەکانی نێوان بەغدا و هەولێر لەسەر بناغەیەکی نوێ و متمانەپێکراو رێک بخرێنەوە، بۆ ئەوەی سەرچاوە دەوڵەمەندەکانی عێراق و هەرێم بە باشترین شێوە بۆ خۆشگوزەرانیی خەڵکەکەی بەکاربهێنرین.

ئەڵمانیا بەردەوام دەبێت لەهاوکاری کردنی هەرێم

لە نامەکەیدا وەزیری دەرەوەی ئەڵمانیا سوپاسی پێشوازی گەرمی قوباد تاڵەبانی دەکات لە کاتی سەردانەکەیدا بۆ کوردستان و جەختیشی کردوەتەوە؛ ئەڵمانیا بەردەوام دەبێت لە هاوکاریکردنی هەرێمی کوردستان بۆ پاراستنی سەقامگیری و دابینکردنی خۆشگوزەرانی بۆ هاوڵاتیانی کوردستان.

هەرێمی کوردستان بخەنەسەر رێڕەوێکی نوێ

ئەنالێنا بێربۆک باسی لەوەش کردوە کوردستان دانیشتوانێکی گەنج و خوێندەواری هەیە و قوباد تاڵەبانی لە کۆبوونەوەی نێوانیاندا خواستی خۆی دەربڕیوە کە ئەمە وەک دەرفەت بقۆزنەوە بۆ ئەوەی هەرێمی کوردستان بخەنەسەر رێڕەوێکی نوێ لەپێناو دابینکردنی ئاییندەیەکی گەشتر بۆ هاوڵاتیانی هەرێمی کوردستان.

لەمبارەیەوە وەزیری دەرەوەی ئەڵمانیا پشتگیری خۆی بۆ ئەم روانینەی قوباد تاڵەبانی دەربڕیوە و داواشیکردوە هەرێمی کوردستان گرنگی بە گۆڕانکاری کەشوهەوا بدات بەوپێیەی ئاڵنگارییەکی گەورەی داهاتووی کوردستان و عێراقە.

 

PUKMEDIA

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket