وەفدێکی یەکێتی لەگەڵ هەڤاڵانی مەڵبەندی سۆران کۆدەبنەوە

PUKMEDIA

وەفدی یەکێتی

‎ئەمڕۆ سێشەممە ٢٨/٣/٢٠٢٣ ڕزگار عەلی كارگێڕی مەكتەبی سیاسی یەكێتیی نیشتیمانیی كوردستان ، سەعدی ئەحمەد پیرە ئەندامی مەكتەبی سیاسی یەكێتیی نیشتیمانیی كوردستان  ، فەیسەڵ كەریم خان ئەندامی سەركردایەتی یەكێتیی نیشتیمانیی كوردستان بە ئامادەبوونی زوبێر عوسمان لێپرسراوی مەڵبەندی ٦ی سۆران لە دوو كۆبوونەوەی جیادا ، لەگەڵ جێگرانی مەڵبەند و لێپرسراوی بەشەكان و لێپرسراوی كۆمیتەكانی سنوری مەڵبەندی سۆران  دواتر لەگەڵ ئۆڕگان و ڕێكخراوەكان و كۆمەڵەی پێشمەرگە دێرینەكان و زیندانیانی سیاسی و كەمئەندامان و ڕێكخراوەكانی ژنان و ئازادی لاوان و خوێندكاران کۆبوونەوە.

‌‏
‌‌‎لە كۆبوونەوەكەدا باس لە پێداچوونەوە و رێکخستنەوەی ئۆرگانە حزبییەکان و خزمەتکردنی خەڵکی ئەو سنوورە كرا و تەئكیدكرایەوە كە ئەم دەڤەرە گرنگی تایبەت و پڕ بایەخی هەیە لە مێژووی قوربانیدان و سەروەرییەکانیان لە شۆڕشی نوێ بەرپرسیارێتی دەخاتە سەرشانمان کە ھەموو ھەوڵێک بدەین بۆ خزمەتکردنی خەڵکی تێکۆشەری سنورەكە. چونکە لای ئێمە ئەم سنوورانە بزوێنەری شۆڕش و قەڵای پشتیوانیی یەكێتین.

‎لە كۆتایی كۆبوونەوەكەدا هەڤاڵانی  بەشداربوو دیدو تێڕوانینی خۆیان خستەڕوو، جەختیان لە گرنگی یەكێتیی نیشتیمانیی كوردستان كردەوە بۆ سنورەكەیان.

PUKMEDIA