ئەدهەم بارزانی: دەوڵەتان دوای ٣٢ساڵ دەزانن لەم وڵاتەدا چی دەگوزەرێت
کوردستان 09:19 AM - 2023-03-27ئەدهەم عوسمان شێخ ئەحمەد بارزانی
ئەدهەم عوسمان شێخ ئەحمەد بارزانی لە پەیامێكیدا بۆ رایگشتی كوردستان و جیهان رایدەیگەیەنێت: "294 رۆژە گەڕانەوەی من بۆزێدی باوباپیرانم و خاكی نیشتمان و ناو هاووڵاتیانی خۆم و ماڵ و منداڵەكانم لێ قەدەغە كراوە و 135 رۆژە بەرپرسی پاسەوانەكانیشم لە زیندانەكانی دەسەڵاتی هەولێر دایە" و دەڵێت: "ئەمەیە دەسەڵاتداری و ئازادی و دیموكراسی و رێزگرتن لە مافی نێشتەجێبوونی هەر مروڤێك كە بە پێی دەستوور بۆ هەموو هاووڵاتیانی دەستەبەر كراوە".
لە پەیامەكەیدا كە وێنەیەكی دەست PUKMEDIA كەوتووە، شێخ ئەدهەم بارزانی ئەو دەربەدەری و چەوساندنەوەیەی بۆ "هەڵوێستەكانی دەگێڕێتەوە و دەڵێت: "فەرید عەبدولعەزیز بازی بەرپرسی پاسەوانەكانم كە ١٣٥ رۆژە لە زیندانەكانی دەسەڵاتی هەولێر دایە هەر چەند رۆژ جارێك لە لایەن « د » ناوێك ئاگادار دەكرێتەوە كە ئەگەر واز لەو پەیوەندیانەی كە لە گەڵ ئەدهەم بارزانی بێنی هەر ئێستا ئازاد دەكرێ و پلە و پۆستیشتی پێ دەبەخشین" .
شێخ ئەدهەم بارزانی دەڵێت: "هەندێك لە دەوڵەتان دوای ٣٢ساڵ ئێستا دەزانن لەم وڵاتە چی دەگوزرێ، بەڵام ئەمەش هەر باشە".
ئەمە دەقی پەیامەكەیە:
بە ناوی خوای گەورە و میهرەبان
بۆ رای گشتی كوردستان و جیهان
سڵاو و رێز
هەر وەك ماوەیەك پێش ئێستا رای گشتیمان ئاگادار كردەوە، كە برای خوشەویست و هاوڕێی سی ساڵەییمان و بەرپرسی پاسەوانەكانم فەرماندەی قارەمان و خۆڕاگر فەرید عەبدولعەزیز بازی كە بۆ ماوی ١٣٥ رۆژە لە زیندانەكانی دەسەڵاتی هەولێر دایە تەنها و تەنها تاوانی ئەوەیە كە برا و دوستی ئێمەیە، هەرچەند رۆژ جارێك لە لایەن « د » ناوێك ئاگادار دەكرێتەوە، كە ئەگەر واز لەو پەیوەندیانەی كە لە گەڵ ئەدهەم بارزانی هەتانە بێنی هەر ئێستا ئازاد دەكرێی و پلە و پۆستیشت پێ دەبەخشین .
هاونیشتیمانیانی خۆشەویست
من كە ئەم بابەتە دەخەمە پێش چاوی هەموولایەك، هیچ دوژمنایەتییەك و غەرەس شەخسییەكمان، لەگەڵ هیچ كەس ولایەنێكدا نەبووە و نییە، تەنها و تەنها خاوەنی هەڵوێستە تایبەتی و نیشتیمانپەروەرییەكانی خۆم دەبم و بووم.
ئەمە لەكاتێكدایە، كە لەپێناو هەڵوێستەكانم ماوەی ٢٩٤ رۆژە گەڕانەوەی من بۆ زێدی باوباپیرانم و خاكی نیشتمان و ناو هاووڵاتیانی خۆم و ماڵ و مناڵەكانم لێ قەدەغە كراوە.
ئایە ئەمەیە دەسەڵاتداری و ئازادی و دیموكراسی و رێزگرتن لە مافی نێشتەجێبوونی هەر مروڤێك كە بە پێ دەستوور بۆ هەموو هاووڵاتیانی دەستەبەر كردووە.
لە كۆتایدا داوای ئازادی بێمەرجی بەپەلە بۆ فەرماندە فەرید عەبدولعەزیز بازی و سەرجەم بەناحەق زیندانیكراوان دەخوازم و رێزگرتن لە كەرامەت و شكۆی هەموو چین توێژ و بیرو باوەڕە جیاوازەكان و نەتەوە و ئاینزایەكان دەكەم، هەندێك لە دەوڵەتان دوای ٣٢ساڵ ئێستا دەزانن لەم وڵاتە چی دەگوزرێت، بەڵام ئەمەش هەر باشە.
ئازادی بۆ سەرجەم بەناحەق گیراوانی هاونیشتیمانیان، ئازادی بۆ فەرماندە فەرید بازی .
لەكۆتایدا هیوادارم هەموو ئازادیخوازان و بەرگریكارانی مافی مرۆڤ كە بۆ ئازادی تێدەكۆشن بێدەنگی بشكێنن .
سوپاس
براتان
ئەدهەم عوسمان شێخ ئەحمەد بارزانی
٢٦-٣-٢٠٢٣
PUKMEDIA
هەواڵی زیاتر
-
د. بڕیار رەشید: تەوتینی مووچە لەهەرێم بە ئاسانی دەکرێت
08:31 PM - 2024-04-18 -
كونسوڵی روسیا: یهكێتی هێزێكی كاریگهره
04:42 PM - 2024-04-18 -
وتەبێژی یەکێتی: حکومەت و پەرلەمانێکی کارامان دەوێت
02:20 PM - 2024-04-18 -
جهزای سهید مهجید وهك لێپرسراوی بەشی كارگێڕیی رێكخستن دهسبهكاربوو
01:21 PM - 2024-04-18
ئەمانەش ببینە
کوردستان 05:05 PM - 2024-04-18 ئەنجومەنی سەرکردایەتی: پاراستن و بەهێزکردنی هەرێم تەنها بەهەڵبژاردن دەبێت
سەرۆک بافڵ: یەکێتی ئامادەی هەڵبژاردنە
03:49 PM - 2024-04-18
کۆمسیۆن وادەی بانگەشەی هەڵبژاردن دیاریدەکات
10:29 AM - 2024-04-18
ئهنجومهنی سهركردایهتی بۆ ئامادهكارییهكانی ههڵبژاردن كۆدهبێتهوه
10:01 AM - 2024-04-18
سەرۆک بافڵ و سەید عەممار حەکیم: گفتۆگۆی بنیاتنەرانە لە پێناوی سەقامگیریدا بێت
10:06 PM - 2024-04-17
زۆرترین خوێنراو
-
د. بڕیار رەشید: تەوتینی مووچە لەهەرێم بە ئاسانی دەکرێت
کوردستان 08:31 PM - 2024-04-18 -
ئەنجومەنی سەرکردایەتی: پاراستن و بەهێزکردنی هەرێم تەنها بەهەڵبژاردن دەبێت
کوردستان 05:05 PM - 2024-04-18 -
كونسوڵی روسیا: یهكێتی هێزێكی كاریگهره
کوردستان 04:42 PM - 2024-04-18 -
سەرۆک بافڵ: یەکێتی ئامادەی هەڵبژاردنە
کوردستان 03:49 PM - 2024-04-18 -
وتەبێژی یەکێتی: حکومەت و پەرلەمانێکی کارامان دەوێت
کوردستان 02:20 PM - 2024-04-18 -
جهزای سهید مهجید وهك لێپرسراوی بەشی كارگێڕیی رێكخستن دهسبهكاربوو
کوردستان 01:21 PM - 2024-04-18 -
کۆمسیۆن وادەی بانگەشەی هەڵبژاردن دیاریدەکات
کوردستان 10:29 AM - 2024-04-18 -
ئێزدییەكان ، دیرۆك و دابونەریتیان
کوردستان 10:05 AM - 2024-04-18