بگۆڕ دەبی یان گۆڕاو
بیروڕا 09:49 PM - 2023-03-26ئەرسەلان مەحمود
ئەرسەلان مەحمود
ئەم دۆخە نوێیە نەخوازراوە بەپێشهاتووە ناوخۆیی و هەرێمی و دەولییەی لەسایەی كابینەی نۆی حكومەتەوە بەهۆی تاكڕەوی لەبڕیاردان و جیاكاری لەپێشكەشكردنی خزمەتگوزاری و قۆرغكاری لەبەڕێوەبردن و پێشێلكردنی ماف و ئازادییە مرۆییەكانەوە ئاڵێندراوەتە گەردنی هەرێمی كوردستان، دەرفەتی ئەوەی لەبەردەم ئەم عەقڵییەتە لەحوكم و حكومڕانێتیكردندا نەهێشتووەتەوە جارێكی تر بتوانێ وەك پیشەی هەمیشەیی دۆخ لەبەرژەوەندی خۆی بگۆڕێ، بەڵكە مەحكومی كردوە بەوەی دەبێ ئیتر خۆی بگۆڕێت، بەڵام ئایا هێزو بوێری وەها خۆ گۆڕییەكی تێدایەو لەبری ڕابردوو لەمڕۆو ئێستادا هەڵكاو بژییەت، وڵامەكە ڕوونە!
ئەمەی ڕوو ئەدا، وەك ئەوەی هەن دیسانەوە بەخاتری جارێكی تر هەڵخڕاندنەوەی ڕای گشتی و خەڵك بگۆی دەكەن، نەخێر هیچ مەترسییەكی لەسەر قەوارەی هەرێم و ئایندەی هەرێمەكە نییە، بەپێچەوانەوە سەرئەنجامەكەی لەبەرژەوەندی كۆمەڵانی خەڵك تەواو دەبێ، تیرو تانەو زەنگەكان بۆ بێدار كردنەوەو بەخۆداچوونەوەی خودی دەسەڵاتەكەن، چونكە تێكەوتەو لێكەوتەكانی ئەم جۆرە لەحوكم و حكومڕانێتییە تەنگەبەرو تاكڕەهەندگەراییە بووە بەمەترسی لەسەر بەرژەوەندی هاوپەیمانان و بەسەلامەت مانەوەی ناوچەكەش لەگشتیدا، دەسەڵات بەم ئەحواڵە نەكوڵەكەی ئەمڕۆیەوە چیتر ناتوانێ هەروا بێباك و نەرێتیانەو خێڵەكیانە یان بەمەزاج و میزاجی حكومەتەكە لێبخوڕێ، بێدەرەتانی خەڵك و بێدادی سەرڕێژی كردوەو هەمووان وەكخۆی دەیبینن، بەسیناریۆ سازی و هۆنینەوەو بەشینەوەی تۆمەت پاساو نادرێ، ئەمە هەمووانی خستووەتە ناو چیرۆكێكەوە هەڵە، كاتێك ئەم ڕیسە بەكەوڵی هیچ كەسێك ڕەوا نابیندرێ بكرێتەوە بەخوری، دەبێ بەیەكەوە بەشوێن دۆزینەوەی چارەسەرێكەوەبین ڕیشەیی.
ئەم حەقیقەتە بەگوتارو بانگەوازی درۆینەو موزەییەفانە بەرجەستە نابێت، بوژاندنەوەی متمانەو لێبوردەیی و ئاشتەوایی بەڵێ نەك هەر گرینگن، دەبێ بشكرێنە بنەمای كارو بەیەكەوە تەواو كردنی ڕێگەكە، بەڵام بەبێ دیاریكردنی كێشەو ئاریشەو نەخۆشییەكان نەك هەر چارەسەرێك بەدینایەنن تەنانەت زامەكان قاڵوو قوڵتر دەكەنەوە، چییەتی كێشەو ئاریشەو نەخۆشییەكان دەبێت دۆزینەوەو پڕاكتیزەكردنی چارەسەرە ڕیشەییەكان بەدوای خۆدا بهێنن، بۆچی لێرەین و دەمانەوێ چیبكەین، دەبێ وەك خۆی وڵام بدرێنەوە، تەنگژەكانمان هەروا سادەو لاوەكی نین، ئەم بێدەنگییە جڤاكییە لەڕاستیدا ڕازیبوون نین بەم واقیعە تاڵە سەپێندراوە، توڕەییە، ئەم تیرو تانەو بەلاغاتە دەولییە گاڵتە نین، زەنگن، زەنگی نزیك لەكۆتایی یارییەكە، دیارە هەموو كێشەیەك هەڵگری تۆوی چارەسەرە لەخۆیدا، ئەم تۆوە كاتێك بوونی نابێت هیچ كێشەیەك بوونی نەبێ، بەڵام لەوەبەرهێنانی تۆوی چارەسەرەكە گرینگتر هەمیشە خودی هێزی وەبەرهێنەرەكەیە.
سەركردەو حزبە ڕاستەقینەكان، ئەوانەن چارەسەرخوازن، ئەوانەن وزەو هێزو كاتی خۆیان بۆ وڵام دانەوەی دۆخ و تەحەدییاتەكان تەرخان دەكەن و كەشێك یان سیستمێك دەهێننە ئاراوە دڵنیایی بدات بەوەی جارێكی دی هەمان ئەو كێشانە لەفۆڕم و قۆناغی تردا خۆیان وێناو دووبارە ناكەنەوە، سەردەمی بڕوبیانوو و ئۆباڵی شكستدانە ملی ئەم و ئەو كۆتایی هاتووە، ئەگەر بەرژەوەندییەكانی خەڵك و هەرێمەكی گەشە كردوت دەوێ، فەرموو دەست بدە گۆڕانكاری لەخۆتدا، خۆت بگۆڕە دۆخەكە دەگۆڕێت، خۆت ناگۆڕی، دۆخەكە دەتگۆڕێت.
PUKMEDIA
هەواڵی زیاتر
-
شاڵاو کۆسرەت رەسوڵ: باشترین خزمەتگوزاری پێشکەش بکرێت
07:44 PM - 2024-04-25 -
شاڵاو کۆسرەت رەسوڵ: لیژنە بۆ رووداوی کوشتنی خەسرۆ گەردی پێکبهێنرێت
04:57 PM - 2024-04-25 -
وەسفییە... ماندوویەکی رووخۆش
12:25 PM - 2024-04-25 -
راپۆرتێكی دیكهی نێودهوڵهتی لهسهر خراپی ئازادی لهههرێم بڵاودهكرێتهوه
10:33 AM - 2024-04-25
ئەمانەش ببینە
لە هەولێر و بەغدا زۆرترین پێشێلکاری بەرامبەر رۆژنامەنووسان ئەنجامدراوە
05:13 PM - 2024-04-24
پەیامی یەکێتی دەگەیەنرێتە بەرەی تورکمانی
05:01 PM - 2024-04-24
ئهمریكا: ئازادی رۆژنامهنوسی و مافی مرۆڤ لهههرێم خراپتر بووه
12:30 PM - 2024-04-24
وەفدێکی حکومیی عیراق بەشداری ساڵیادی بۆردومانی قەڵادزێ دەکات
10:14 AM - 2024-04-24
زۆرترین خوێنراو
-
هاوخەمی قوباد تاڵەبانی بۆ خانەوادەی خاتوو نیعمەت
پرسەنامە 08:13 PM - 2024-04-25 -
پرسەنامەی مەکتەبی سیاسی بۆکۆچی دوایی خاتوو نیعمەت
پرسەنامە 07:58 PM - 2024-04-25 -
شاڵاو کۆسرەت رەسوڵ: باشترین خزمەتگوزاری پێشکەش بکرێت
کوردستان 07:44 PM - 2024-04-25 -
شاڵاو کۆسرەت رەسوڵ: لیژنە بۆ رووداوی کوشتنی خەسرۆ گەردی پێکبهێنرێت
کوردستان 04:57 PM - 2024-04-25 -
هاوخەمی سەرۆک بافڵ بۆکۆچی دوایی خاتوو نیعمەت
پرسەنامە 04:11 PM - 2024-04-25 -
وتهبێژی كۆمسیۆن: 10ی ئایار بانگەشەی هەڵبژاردن دەستپێدەکات
کوردستان 01:36 PM - 2024-04-25 -
شێخ جەعفەر شێخ مستەفا: کۆمەڵانی خەڵک چاوی ئومێدیان لە یەکێتییە
ی ن ک 01:29 PM - 2024-04-25 -
وەسفییە... ماندوویەکی رووخۆش
کوردستان 12:25 PM - 2024-04-25