سێڵڤی سەرکەوتنمان نەگەرەکە

PUKMEDIA

ستران عەبدوڵڵا

ستران عەبدوڵڵا

خوا دەکا ناکرێینە شەریک لە شکستەکانتان، خوا دەکا لە تۆماری هەڵسەنگاندنی مێژوودا ئەم هەڵە و پەڵە زۆرەتان  لەسەر ئێمە حیساب ناکرێت ، لەسەر هیوا و ئاواتی گەلەکەمان حیساب ناکرێت و لە پشکی شایستەیی دوا رۆژی کوردایەتی و ئەزموونی بەخەرجی زۆر بە دیهاتووی کوردستان گلنادرێتەوە و پاشەکەوت ناکرێت ، قەینا با هەر لە سەرکەوتنە گریمانییەکانتان بێبەش بکرێین و سێڵڤای وامان لەگەڵ سەرکەوتوانی باغر بوو نەگەرەکە.

ئاخر هێشتا هیچی بە دەست نەهێناوە دەڵێ بەشتان نادەم، برا شتێک وەدەست بێنە بۆ گەلەکەمان ، قیروسیا لە بەشی حزب و لایەنە هاوبەشەکانی تر. با هەر بێبەش بین، سەری کورد و تەندروستی گەل سەلامەت بێت.

قەینا ئێوە دەسکەوت بۆ گەل بێنن ، ئێمە هەر دوعای خێرتان بۆ دەکەین.

PUKMEDIA