پرسەنامەی سەرۆک بافڵ بۆ خانەوادەی شێخ ئەحمەد ئاغای زێباری

PUKMEDIA

بافڵ جەلال تاڵەبانی سەرۆکی یەکێتیی نیشتمانیی کوردستان

بافڵ جەلال تاڵەبانی سەرۆکی یەکێتیی نیشتمانیی کوردستان پرسەنامەیەک ئاڕاستەی بنەماڵەی خوالێخۆشبوو شێخ ئەحمەد ئاغای زێباری دەکات.

دەقی پرسەنامەکە

بەڕێزان بنەماڵەی خوالێخۆشبوو شێخ ئەحمەد ئاغای زێباری

‎بە خەمێکی قووڵەوە هەواڵی کۆچی دوایی (شێخ عاصف ئەحمەد ئاغای زێباری) برای خوالێخۆشبووان شێخ لەتیف ئەحمەد ئاغا و شێخ ئەرشەد ئەحمەد ئاغا، سەرۆك عەشیرەتی زێباریمان پێگەیشت.

‎پرسە و هاوخەمی قووڵی خۆمان ئاڕاستەی بنەماڵە و خزمانی زێباری دەكەم، لەخوای گەورە داواكارم كۆچكردوو بە بەهەشتی بەرین شاد بكات و سەبووری بەهەموولایەك ببەخشێت.

‎دڵسۆزتان
‎بافڵ جەلال تاڵەبانی
‎سەرۆکی یەکێتیی نیشتمانیی کوردستان