سەرۆک بافڵ: مانگی رەمەزان مایەی خێروخۆشی بێت بۆ کوردستان

PUKMEDIA

‌‎سەرۆكی یەكێتیی نیشتمانیی كوردستان

‎‌‎بەبۆنەی هاتنەوەی مانگی رەمەزانی پیرۆزەوە، بافڵ جەلال تاڵەبانی سەرۆكی یەكێتیی نیشتمانیی كوردستان پەیامێكی پیرۆزبایی ئاڕاستەی موسڵمانان دەكات و هیوادەخوازێت ئەم مانگە ببێتە خێر و خۆشی بۆ كوردستان.

دەقی پەیامەكە:

هاتنەوەی مانگی رەمەزانی پیرۆز لە هەموو موسڵمانانی جیهان، عیراق و گەلی كوردستان پیرۆز دەكەم.

‌‎هیوادارم رەمەزانی پیرۆز ببێتە مایەی خێر و خۆشی بۆ كوردستانە خۆشەویستەكەمان و لەخوای گەورە داواكارم نزا و پاڕانەوەی هەموولایەك قبووڵ بكات.

‌‎ئومێدەوارم هەمووان پێكەوە بە بیركردنەوەیەكی كوردانە و نیشتمانیانەوە كار بۆ سەقامگیریی كوردستان و ژیانی هاووڵاتیانمان بكەین و داهاتوویەكی پرشنگدار بونیاد بنێین.

‌‎بافڵ جەلال تاڵەبانی
‌‎سەرۆكی یەكێتیی نیشتمانیی كوردستان

PUKMEDIA