سەرۆک بافڵ: کێشەکانمان دەخەینە لاوە و شانبەشانی یەک خەبات دەکەین

PUKMEDIA

سەرۆک بافڵ

لەمیانەی بەڕێوەچونی ئاهەنگی نەورۆز لە ئامەدی باکووری کوردستان سەرۆک بافڵ جەلال تاڵەبانی پەیامێکی پیرۆزبایی پیشکەش کرد و وتی: " بە پشتیوانی هەموو لایەک فشار دەخەینە سەر حزبەکان کە بەرژەوەندی گەلەکەمان بخەینە پێش بەرژەوەندی خۆیان".

لەئامەدی باکوری کوردستان ئاهەنگی جەماوەری جەژنی نەورۆز بەڕێوەچوو سەرۆک بافڵ جەلال تاڵەبانی سەرۆکی یەکێتیی نیشتمانیی کوردستان بە پەیامێکی پیرۆزبایی بەشداری کرد و پەیامەکەی گەیشتە سەدان هەزار کوردی باکور و سەرتاسەری جیهان.

سەرۆک بافڵ لە پەیامەکەیدا وتی: "خوشک و برایانی ئازیز نەورۆزتان پیرۆز بێت، ئینشەڵا ئەمساڵ ساڵی پێکەوەیی هەموو کوردەکان دەبێت، کیشەکانمان دەخەینە لاوەو بۆ بەرژەوەندی گەلەکەمان پێکەوە شانبەشان خەبات دەکەین".

وتیشی: "داوا لەهەموو وڵاتانی دەوروبەرمان دەکەین کە سیاسەت مەدارەکانمان ئازاد بکەن و رێگا بدەن پارێزەر و پزیشکەکانیان سەردانیان بکەن، دڵیشمان لای هەموو ئەو خانەوادانایە کە کەسوکاریان بەهۆی بومەلەرزەوە لەدەستداوە".

"بە پشتیوانی هەموو لایەک فشار دەخەینە سەر حزبەکان کە بەرژەوەندی گەلەکەمان بخەینە پێش بەرژەوەندی خۆیان، دوبارە پیرۆزبایی لەهەموو لایەک دەکەین و بەیەک دەنگ دەڵێین یان کوردستان یان نەمان"، سەرۆک بافڵ وایوت.

PUKMEDIA