بزوتنەوەی گۆڕان پیرۆزبایی لە سەرۆکی یەکێتی دەکات

ئاژانسەکان

عومەری سەید عەلی و سەرۆک بافڵ

بزووتنەوەی گۆڕان، بەبۆنەی جەژنی نەورۆز پەیامێکی پیرۆزبایی ئاراستەی بافڵ جەلال تاڵەبانی، سەرۆکی یەکێتیی نیشتیمانیی کوردستان کرد و هیوای خواستووە ساڵی نوێی کوردی ببێتە ساڵی ئاشتی و پێکەوەژیان و ئاشتەوایی.

دەقی پەیامەکەی بزوتنەوەی گۆڕان:

بەڕێز کاک بافڵ جەلال تاڵەبانی

سەرۆکی یەکێتیی نیشتیمانیی کوردستان

رێز و سڵاو

بەبۆنەی جەژنی نەورۆز و ساڵی نوێی کوردییەوە، پیرۆزبایی گەرم لە بەڕێزتان و هەڤاڵانتان دەکەین، هیوادارین ساڵی ئاشتی و پێکەوژیان و ئاشتەوایی سەرتاسەریی نێوان هەمووان بێت، لە کوردستانێکی ئازاد و سەقامگیر و پڕخۆشگوزەرانیدا بۆ هەموو رۆڵەکانی گەلەکەمان و خۆشی و ئاسودەیی و بەدیهاتنی خواستەکانی بێت و بەهەوڵی هەمەلایەنە زاڵبین بەسەر هەموو ئەو کۆسپ و قەیرانە نەخوازراوانەدا کە بەرۆکی گرتووین.

شاد و سەربەز و سەرکەوتوو بن

بزوتنەوەی گۆڕان

PUKMEDIA