یەكێتی بە كردار خزمەتی كەسوكاری شەهیدانی هەڵەبجە دەكات

PUKMEDIA

یەكێتی بە كردار خزمەتی كەسوكاری شەهیدانی هەڵەبجە دەكات

بەبڕیاری سەرۆك بافڵ جەلال تاڵەبانی باخچەیەكی ساوایان بۆ منداڵانی هەڵەبجە دروست دەكرێت.

ئەمڕۆ بە ئامادەبوونی ئەندامانی سەركردایەتی یەكێتیی نیشتمانیی كوردستان هەڤاڵ محەمەد حەمەسەعید، هەڤاڵ سەرتیپ عەلی) و ئازاد تۆفیق پارێزگاری هەڵەبجە و هەڤاڵانی جێگران و كارگێڕانی مەڵبەند و بەڕێوەبەری گشتی پەرورەدەی هەڵەبجەو سەرۆكی شارەوانی هەڵەبجەو ژمارەیەك لەبەڕێوەبەری ئیداری دیاری سەرۆك بافڵ بۆ منداڵانی هەڵەبجە راگەیەندرا.

لەوتەیەكدا هەڤاڵ سەرتیپ عەلی ئەندامی سەركردایەتی یەكێتیی نیشتمانیی كوردستان رایگەیاند: "یەكێتیی نیشتمانیی كوردستان بەدەر لەبەشداریكردن لە كۆڕ و كۆبوونەوەو مەڕاسیمەنەتەوییەكان لەسەرجەم ناوچەكانی هەرێمی كوردستان، بەپێی بڕیاری ئەنجومەنی سەركردایەتی هەوڵدەدات بە كردار خزمەتی ئەو ناوجانە بكات كە كارەساتبارن قوربانیان داوە و بەپڕۆژەی خزمەتگوزاری بەشداری ئەو یادانە بكات".

وتیشی: "ئەمڕۆ لە 35هەمین ساڵیادی كیمیابارانی شاری هەڵەبجەدا وەك دەستپێكی ئەو بڕیارەو بە بڕیاری سەرۆك بافڵ جەلال تاڵەبانی سەرۆكی یەكێتیی نیشتمانیی كوردستان و لەسەر ئەركی ئیدارەی گشتی یەكێتی باخچەیەكی ساوایان بۆ منداڵانی هەڵەبجە دروستدەكرێت بەپێی ئەو ستاندەرەی كە بەڕێوەبەرایەتی گشتی پەروەردەی هەڵەبجە دیاركردووە و دەكرێتە دیاری بۆ منداڵانی هەڵەبجە و شانزەی سێی ساڵی داهاتوو پڕۆژەكە تەواو دەكرێت و پێشكەشی منداڵانی ئەم شارە دەكرێت".

PUKMEDIA