سەرۆك بافڵ: هیچ پاساوێك بۆ رێكنەكەوتنی هەرێم و عیراق نییە

نووسینگەی سەرۆكی یەكێتی

بافڵ جەلال تاڵەبانی، ئەیاد عەلاوی، قوباد تاڵەبانی

بافڵ جەلال تاڵەبانی، سەرۆكی یەكێتیی نیشتمانیی كوردستان چاویكەوت بە ئەیاد عەلاوی، سەرۆكی هاوپەیمانیی نیشتمانی.

‌‎لە دیدارێكدا كە دەرباز كۆسرەت رەسوڵ، كارگێڕی مەكتەبی سیاسی و قوباد تاڵەبانی سەرپەرشتیاری مەكتەبی سكرتاریەتی سەرۆك مام جەلال ئامادەبوون، جەخت لە پابەندبوون بە كاری پێكەوەیی، هاوبەشیی راستەقینە و چارەسەركردنی كێشەكان لەسەر بنەمای دەستوور كرایەوە.

سەرۆك بافڵ جەلال تاڵەبانی سەبارەت بە كێشەكانی نێوان حكومەتی هەرێم و عیراق رایگەیاند: "هیچ پاساوێك بۆ رێكنەكەوتن نییە و دەبێت بە ئەنجامێكی ئەرێنی بگەین. كات كوشتن لە بەرژەوەندی هیچ لایەك نییە و دەبێت كۆتایی بە ناكۆكییەكان بهێنرێت".

PUKMEDIA