وەهاب هەڵەبجەیی: شەهیدانی كیمیاباران سومبولی رەوایەتی دۆزی كوردن
کوردستان 11:33 PM - 2023-03-15وەهاب هەڵەبجەیی
وەهاب هەڵەبجەیی پەیامێكی بۆ یادی 35 ساڵەی كارەساتی كیمیابارانی هەڵەبجە بڵاوكردەوە و رایگەیاند: "شەهیدانی هەڵەبجە لەپاڵ شەهیدانی دیكەی رێی ئازادی كوردستان، بوونەتە سومبولێك بۆ رەوایەتی دۆزی كورد لە جیهاندا و بەشێكە لە پێناسەی كورد لەناو كۆمەڵگەی نێودەوڵەتیدا، بۆیە ئەركە كار بۆ بەرزڕاگرتن و خزمەتكردنی ئەو سمبولە بكرێت".
دەقی پەیامەكە:
35 ساڵ بەسەر یەكێكی دیكە لەو كارەساتانەدا تێدەپەڕێت، كە دژبەرانی مرۆڤایەتی و كورد، بەرامبەر شاری هەڵەبجە ئەنجامیاندا، ئەم رووداوە ئەڵقەی ناو زنجیرەیەك رووداو و كارەساتگەلێكی درێژ و بێ ئەنجامبوو، بۆ دەستەمۆكردن و قڕكردنی گەلی كورد.
كارەساتی كیمیبارانكردنی هەڵەبجە هێندە بێبەزەییانە ئەنجامدرا، كە لە كورتمەودادا 5 هەزار ڕۆڵەی بێ تاوانی ئەم نیشتیمانەی شەهید كرد و لە درێژمەوداشدا بووە هۆی سەرگەردانكردن و لێكدابڕانی هەزاران خێزان لە یەكدی، كە بەشێكیان هەتا ئێستاش بەردەوام سەرقاڵی گەڕانن بەدوای كەسوكاریاندا.
ئەوەی لێرەدا گرنگە بوترێت، بەڵێنە بێ كردارەكانە كە هەموو ساڵ لەگەڵ نزیكبوونەوە لەم ساڵیادەدا، لەلایەن حكومەتی هەرێم و دامەزراوە فەرمییەكانی ناوەندەوە بە گوێی خەڵكی شارەكەمدا دەدرێت، هەتا ئێستا نەتوانراوە بەپێی پێویست خزمەت شاری شەهیدان و بریندارەكانی كارەساتی كیمیاباران و منداڵە ونبووەكانی شارەكە بكرێت، بە ناچاری پەنا دەبرێتە دەرەوەی كوردستان و عیراق بۆ چارەسەكردنی بەشێك لە ئازارەكانی جەستەیان.
لێرەوە وەك رۆڵەیەكی شاری شەهیدان دەمەوێت ئەوە بڵێم، حكومەتی هەرێم بە ئاشكرا و لە سەرەوەی هەرەمی دەسەڵاتی حكومەتەكە، بڕیاری دووبارە خنكاندنەوەی هەڵەبجەی داوە، لەڕێگەی ئابڵوقە خستنەسەر و گرتنەوەی پرۆژەی ستراتیژی و ڕاگرتنی خزمەتگوزارییەكان، كە ئەم كارەی دەكرێت، هیچی كەمتر نییە لەوەی ڕژێمی ڕووخاوی بەعس دەیكرد بەرامبەر شارەكەمان.
شەهیدانی هەڵەبجە لەپاڵ شەهیدانی دیكەی ڕێی ئازادی كوردستان، بوونەتە سومبولێك بۆ ڕەوایەتی دۆزی كورد لە جیهاندا و بەشێكە لە پێناسەی كورد لەناو كۆمەڵگەی نێودەوڵەتیدا، بۆیە ئەركە كار بۆ بەرزڕاگرتن و خزمەتكردنی ئەو سمبولە بكرێت.
دروود بۆ گیانی پاكی شەهیدانی هەڵەبجە و سەلامەتی و سەرفرازی بۆ برینداران و قوربانیانی ئەو كارەساتە.
براتان
وەهاب هەڵەبجەیی
PUKMEDIA
هەواڵی زیاتر
-
قوباد تاڵەبانی بۆ خوێندکاران: بەسیاسەتی چەپکە گوڵەکەی مام درێژە بەخەبات بدەن
07:59 PM - 2024-04-26 -
داهاتی یەک هەفتەی سلێمانی زیاتر لە 20 ملیارە
09:29 AM - 2024-04-26 -
شاڵاو کۆسرەت رەسوڵ: باشترین خزمەتگوزاری پێشکەش بکرێت
07:44 PM - 2024-04-25 -
شاڵاو کۆسرەت رەسوڵ: لیژنە بۆ رووداوی کوشتنی خەسرۆ گەردی پێکبهێنرێت
04:57 PM - 2024-04-25
ئەمانەش ببینە
قوباد تاڵەبانی: لێکۆڵینەوەی ورد لەو هێرشە درۆنییەی کۆرمۆر بکرێت
08:58 PM - 2024-04-26
سەرۆک بافڵ: خوێندکاران رۆحی ئەم کۆمەڵگەیەن
06:58 PM - 2024-04-26
زیاتر لە 108 هەزار دەنگدەری هەرێم كارتی بایۆمەتری وەردەگرنەوە
09:59 AM - 2024-04-26
وتهبێژی كۆمسیۆن: 10ی ئایار بانگەشەی هەڵبژاردن دەستپێدەکات
01:36 PM - 2024-04-25
زۆرترین خوێنراو
-
داوای لێکۆڵینەوەی بەپەلە لە هێرشە درۆنییەکەی کۆرمۆر دەکرێت
کوردستان 09:51 PM - 2024-04-26 -
قوباد تاڵەبانی: لێکۆڵینەوەی ورد لەو هێرشە درۆنییەی کۆرمۆر بکرێت
کوردستان 08:58 PM - 2024-04-26 -
قوباد تاڵەبانی بۆ خوێندکاران: بەسیاسەتی چەپکە گوڵەکەی مام درێژە بەخەبات بدەن
کوردستان 07:59 PM - 2024-04-26 -
سەرۆک بافڵ: خوێندکاران رۆحی ئەم کۆمەڵگەیەن
کوردستان 06:58 PM - 2024-04-26 -
هاوخەمی قوباد تاڵەبانی بۆ کۆچی دوایی ئەیوب محەمەد
پرسەنامە 12:33 PM - 2024-04-26 -
یەک لە سوارچاکانی قازان
بیروڕا 10:03 AM - 2024-04-26 -
زیاتر لە 108 هەزار دەنگدەری هەرێم كارتی بایۆمەتری وەردەگرنەوە
کوردستان 09:59 AM - 2024-04-26 -
داهاتی یەک هەفتەی سلێمانی زیاتر لە 20 ملیارە
کوردستان 09:29 AM - 2024-04-26