مەڵبەندی نەینەوا: رێ لەگۆڕینی دیمۆگرافیای نەینەوا بگیرێت

مەڵبەندی نەینەوا

کۆبوونەوەی کەسایەتی حزبی و حکومی لەگەڵ ژمارەیەک لە پێکھاتەکانی دەشتی نەینەوا

پاشنیوەرۆی  ١١ی ئادار ٢٠٢٣  ئاراس محەمەد ئاغا لێپرسراوی مەلبەندی 7ی موسڵ بەئامادەبوونی ژمارەیەک لە پێکھاتەکانی دەشتی نەینەوا لە بەرپرسانی حزبی و حکومی و کەسایەتی کۆمەلایەتی و ریش سپی و پیاوماقولانی دەڤەرەکە لە گوندی بایبوختی لە ماڵی لوقمان شەبەك کادری دێرینی یەکێتی لە دەڤەرەکە نیوەرۆ خوانێك رێکخرا. 

لەو دانیشتنەکەدا ئاراس محەمەد ئاغا ھاوکاری و پشتیوانی یەکێتی بۆ کۆمەڵانی خەلکی دەشتی نەینەوا بەگشتی دەربری و وتی:" وەكچۆن ھەمیشە سەرۆك مام جەلال پشتیوانی پێکھاتەکانی پارێزگای موسڵ و دەشتی نەینەوا بووە، ئەوا یەکێتیش بەهەمانشێوە پشتیوانە بەتایبەت لەپەرەپێدانی  پێكەوە ژیان و تەبایی و ئاشتی و سەقامگیری سەرجەم ئاین و نەتەوە و چین و تویژەکان". 

دووپاتیکردەوە کە یەکێتی بەردەوام دەبێت لەسەر رێبازی سەرۆك مام جەڵال بۆ ھەموو پێکھاتەکانی دەشتی نەینەوا  بەبێ جیاوازی بۆ گەرانەوەیان بۆ سەر زێدی خۆیان کە بەهۆی پەلامارەکانی  داعشەوە ئاوارەبوون. 

 لێپرسراوی مەڵبەندی 7 داوایکرد  پارێزگاری لە ناوچەی خۆیان بکەن و رێ لە گۆرینی دیمۆگرافیای دەشتی نەینەوا بگرن. 

ئامادەبووانی دانیشتنەکە ھەموویان  ھاورابوون لەسەر کاری پێکەوەیی و  یەكرێزی بۆ بەدیھێنانی ئامانجی ھاوڵاتیانی دەشتی نەینەوا بەھەموو پێکھاتەکانەوە .