داهاتی ئەم هەفتەیەی سلێمانی ١٧ ملیار کەمیکردووە

PUKMEDIA

سایتی شەفافیەت

شەفافیەت داهاتی یەك هەفتەی سلێمانی رادەگەیەنێت كە زیاتر لە ٩ ملیار دینار بووە و بە بەراورد بە هەفتەی رابردوو ١٧ ملیار کەمیکردووە.

داهاتی یەك هەفتەی سلێمانی لە رۆژی ٤-٣-٢٠٢٣ تا ١٠-٣-٢٠٢٣، بڕی ٩ ملیار و ٦٩٧ ملیۆن و ٤١٦ هەزار و ٥١٦ دینار بووە، بەجۆرێك كە زیاتر لە ٨ ملیار دیناری نەختینەیە و هەروەها زیاد لە ٩٧١ ملیۆن دینار بەشێوەی چەكە و مقاصەش سفرە.

سایتی شەفافیەت بۆ چاودێری و رێكخستنی داهاتە نانەوتییەكانی سلێمانی و هەڵەبجە و هەردوو ئیدارەی راپەڕین و گەرمیان داهاتی یەك هەفتەی راگەیاندووە بەشێوەیەك، داهات بڕی ٩ ملیار و ٦٩٧ ملیۆن و ٤١٦ هەزار و ٥١٦ دینار بووە، بەجۆرێك كە زیاد لە ٨ ملیار و ٧٠٠ ملیۆن و ٤٩٦ هەزار و ٢١ دیناری واتە %٩٠ نەختینەیە و هەروەها ٩٧١ ملیۆن و ٣١٢ هەزار و ٥٠٠ دینار واتە %١٠ بەشێوەی چەكە و مقاصەش سفرە.

ئەمەش لەکاتێکدایە کەمبوونەوەی داهات بەو رێژەیە، دەگەڕێتەوە بۆ ئەوەی لە هەفتەی رابردوودا حکومەتی هەرێمی کوردستان چەند رۆژێکی کردە پشوو.  

رۆژی 15-12-2022 دوای 30 ساڵ، حكومەتی هەرێمی كوردستان لەسەر دەستی قوباد تاڵەبانی بوو بەخاوەنی پرۆژەی شەفافییەت لە داهات و خەرجی.

ئێستا رۆژانە دەتوانیت سەرجەم داهاتە نانەوتییەكانی پارێزگاكانی سلێمانی و هەڵەبجە و هەردوو ئیدارەی سەربەخۆی گەرمیان و راپەڕین لەسایتی شەفافییەتەوە بزانیت.

بەپێی نوێترین ئاماری سایتی شەفافیەت   www.shafafiat.com، بڕیاریشە هەموو رۆژێك داهاتی ئەو شوێنانە بڵاوبكرێتەوە.

PUKMEDIA