قوباد تاڵەبانی: مام سمایل تێکۆشەرێکی دێرینی کوردایەتی و کۆڵنەدان بوو

PUKMEDIA

پرسەنامە

قوباد تاڵەبانی سەرپەرشتیاری مەکتەبی سکرتاریەتی سەرۆک مام جەلال بۆ کۆچی دوایی تێکۆشەرو کەسایەتی ناوچەی جافەتی ( مام ئیسماعیل یاخیانی )، پرسەنامەیەک ئاڕاستەی بنەماڵەکەیان دەکات.

دەقی پرسەنامەکە...

بەڕێز کاک هوشیار ئیسماعیل ئەندامی ئەنجومەنی پارێزگای سلێمانی


بەبیستنی هەواڵى کۆچی دوایی (ئیسماعیل مستەفا)ناسراو بە مام سمایل یاخیانیی باوکی ئازیزتان، نیگەران و دڵگران بووم. 

مام سمایل کەسایەتیەکی دیار و تێکۆشەرێکی دێرینی کوردایەتی و کۆڵنەدان بوو، بەجۆرێک رۆحیەتی نیشتمانپەروەری لەدڵ و دەروونی نەوە و خانەوادەکەشیدا رەنگی دابۆوە و لەپێناوی ئازادی ئەمڕۆشدا چەندین شەهیدی قارەمانیان بەخشی بەکوردستان.

بۆ ئەم خەمە پرسەو سەرەخۆشی لە ئێوە و کەسوکار و بنەماڵە سەربەرزەکەتان دەکەم. 

خواى گەورە لەکۆچکردوو خۆش بێت و جێگاى بەهەشت بێت، سەبورى و دڵنەواییش بەهەموو لایەک ببەخشێت. 

انا لله و انا الیه راجعون 

قوباد تاڵەبانی
سەرپەرشتیاری مەکتەبی سکرتارییەتی سەرۆک مام جەلال

PUKMEDIA