یەكێتی خاوەندارێتی راپەڕین دەكات

مەکتەبی رێکخستنی یەکیتی

سیمیناری یادی راپەڕین بۆ ئەندامانی مەکتەبی سیاسی ستران عەبدوڵڵا و د.جوان ئیحسان

د.جوان ئیحسان و ستران عەبدوڵڵا ئەندامانی مەكتەبی سیاسیی ی.ن.ك تەئكید دەكەنەوە كە :" خاوەندارێتی راپەڕینە مەزنەكەی ئاداری 1991 یەكێتیی نیشتمانیی كوردستان و سەرۆك مام جەلالە كە پێشتر زەمینەسازیی و ئامادەكاری تەواوی بۆكرا و هاوڕایی هێزە سیاسییەكانی بەرەی كوردستانی بۆ دروستكرا و بەو پشتیوانییە و پشتیوانی كۆمەڵانی خەڵكی كوردستان راپەڕین سەركەوت و رژێمی بەعس راماڵدرا و كۆتایی بەتاكڕەوی هات".

 ئەم تەئكیدكردنەوەیەی د.جوان ئیحسان و ستران عەبدوڵڵا لە سیمیناری یادی راپەڕین دا بوو كە لەرۆژی 9/3/2023 لە هۆڵی ئاشتی مەكتەبی رێكخستن بە ئامادەبوونی سەركەوت زەكی لێپرسراوی مەكتەبی رێكخستن و ژمارەیەك لە هەڤاڵانی سەركردایەتی و ئەندامانی مەكتەب بەرێوەچوو، تێیدا د.جوان ئیحسان بابەتێكی لە بارەی (هەڵسەنگاندێك بۆ ڕاپەڕین و دەركەوتەكانی)  و  ستران عەبدوڵا بابەتێكی لە بارەی ( ڕەهەندەكانی ڕاپەڕین) پێشكەش كرد.

د.جوان ئیحسان  و ستران عەبدوڵڵا  بەوردی و بابەتیانە رەهەند و فاكتەرەكانی راپەرین-یان  باسكرد و هەریەكەو لەگۆشەنیگای خۆیەوە تەئكیدیان لەوەكردەوە كە:" راپەڕین خاوەندارێتی سەرەكی یەكێتی نیشتمانی كوردستان و سەرۆك مام جەلال"ە.
مەكتەبی ڕێكخست لەیادی راپەرین دا زنجیرە سیمینارێك بە دروشمی (بەهاری خاوەندارێتی ڕاپەڕین وخەزانی جیاكاری و سنورداركردنی ئازادی ) رێكدەخات و تێیدا هەریەکە لە  فەرید ئەسەرسەرد و د.محەمەد سابیر، د.جوان ئیحسان، ستران عەبدوڵڵا ، بابەتی سیمینارەكانیان پێشكەش كردووە و بڕیاریشە ئارێز عەبدوڵڵا  و  سەركەوت زەكی  دووبابەتی دیكە  لە رۆژی 12/3/2023پێشكەش بكەن.

PUKMEDIA