لەیادی ڕاپەڕیندا پێنجوێن و دەربەندی بازیان سەوزتر دەکرێن

PUKMEDIA

هەڵمەتی رواندنی نەمام

هەڵمەتی یەک ملیۆنی نەمام ڕواندن لەسەر بڕیار و راسپاردەى بافڵ جەلال تاڵەبانی سەرۆکی یەکێتیی نیشتمانیی کوردستان بەردەوامە و گەیشتۆتە قەزا و ناحیەکانی سنوری پارێزگای سلێمانی.

ئەمڕۆ بەڕێوەبەرایەتی دارستان و پاوانی سلێمانی دەستی بەئامادەکارییەکانی کرد بۆ رواندنی نەمام لەسنوری دوو پرۆژەی دارستانیدا لەقەزاو ناحیەکاندا، لەوبارەیەوە ئەندازیار هاوکار جەلال بەرێوەبەرى دارستان و پاوانی سلێمانی رایگەیاند هەوڵەکانمان بەردەوامە بۆ سەرخستنی هەڵمەتەکە و رۆژی شەممە ٤ ی ٣ دەستی ئاوەدانی و کار و خزمەت و سەوزکردنمان گەیاندە پرۆژەی دارستانی کێلو سەر بەهۆبەی دارستان و پاوانی پێنجوێن هاوکات هەر ئەمڕۆ ش دەستمان بەئامادەکارییەکان کرد بۆ نەمام ڕواندن لەپرۆژەی دارستانی دەربەندی بازیان سەر بەهۆبەی دارستان و پاوانی بازیان.

هەر لەوبارەیەوە بەختیار محمد سەرپەرشتیاری کارەکانی هەڵمەتی سەوزکردنی پرۆژەی دارستانی کێلو وتی پرۆژەکە پێشوازییەکی بەرچاوی لێ دەکرێت لەسنورەکەدا و بەخزمەتێکی گرنگی دەزانین بۆ ژینگەی ناوچەکەمان، باسی لەوەش کرد کەداوامان کردووە ئەو جۆرە نەمامانەمان بۆ دابین بکرێت کەلەگەڵ سروشت و ژینگەی پێنجوێن دا بگونجێت.

#ئاشتکردنەوەى_سلێمانی

PUKMEDIA