سەرۆک بافڵ بەشداری لەکۆبوونەوەیەکی گرنگی سکرتێری نەتەوە یەکگرتووەکان دەکات

نوسینگەی رۆژنامەوانی سەرۆکی یەکێتی

بافڵ جەلال تاڵەبانی سەرۆکی یەکێتیی نیشتمانیی کوردستان

بافڵ جەلال تاڵەبانی، سەرۆکی یەکێتیی نیشتمانیی کوردستان لەسەر بانگهێشتی محەمەد شیاع سودانی، سەرۆکوەزیرانی عیراق بەشداریکرد لە کۆبوونەوەیەکی گرنگی کەسایەتی و لایەنە سیاسییەکان و ئەنتۆنیۆ گۆتێرێز، سکرتێری گشتیی نەتەوە یەکگرتووەکان.

لە دیدارەکەدا کە لە بەغدا بەڕێوەچوو، گفتوگۆی بونیادنەرانە بە ئاڕاستەی گەشەسەندنی عیراق و هەرێمی کوردستان کرا و جەخت لە سەرخستنی هەوڵە نیشتمانییەکان کرایەوە لەپێناو پاراستنی مافەکانی هەموو گەلانی عیراق و پێشکەشکردنی خزمەتگوزاری زیاتر لە وڵاتدا.

سەرۆک بافڵ جەلال تاڵەبانی سوپاسی سەرۆک وەزیرانی کرد بۆ بانگهێشتنامەکەی و رێکخستنی دیدارەکە، هەروەها پێزانینی بۆ رۆڵی ئەرێنیی ئەنتۆنیۆ گۆتێرێز دەربڕی لەبەرامبەر هەماهەنگی و هاریکارییەکانی نەتەوە یەکگرتووەکان لە عیراق و هەرێمی کوردستان. هیواشی خواست درێژە بە هەوڵ و هەنگاوەکانیان بدەن لەپێناو بەرەوپێشچوونی وڵاتدا.
لە درێژەی وتەکەیدا سەرۆک بافڵ بەردەوامی هەماهەنگی و پەیوەندییەکانی نێوان هێز و لایەنە سیاسییەکانی دووپاتکردەوە لەپێناو خزمەتکردنی هاوڵاتیان و سەقامگیری لە وڵاتدا.
PUKMEDIA