سەرۆک بافڵ و وەزیری دەوڵەتی بەریتانیا: لەگەڵ هەڵبژاردنی بێگەردین

نوسینگەی رۆژنامەوانی سەرۆکی یەکێتی

سەرۆک بافڵ و وەزیری دەوڵەتی بەریتانیا بۆ کاروباری خۆرهەڵاتی ناوەڕاست

بافڵ جەلال تاڵەبانی، سەرۆکی یەکێتیی نیشتمانیی کوردستان، لەگەڵ لۆرد تاریق ئەحمەد، وەزیری دەوڵەتی بەریتانیا بۆ کاروباری خۆرهەڵاتی ناوەڕاست و ئەفریقا و باشووری ئاسیا و نەتەوە یەکگرتووەکان، کۆبوویەوە و پێکەوە باسیان لە دواپێشهاتە سیاسییەکانی کوردستان و عیراق کرد.

لە کۆبوونەوەکەدا کە ئەمڕۆ ١ی ٣ لە هەولێر بەڕێوەچوو، قوباد تاڵەبانی و دابان شەدەڵە جێگری بەرپرسی فەرمانگەی پەیوەندییەکانی دەرەوەی هەرێم ئامادەیبوون، تیشک خرایەسەر کێشە ناوخۆییەکانی هەرێم و جەخت لە گرنگی چارەسەر کردنیان لەڕێی دیالۆگەوە کرایەوە.

لەبارەی هەڵبژاردنی پەرلەمانی کوردستانەوە، سەرۆکی یەکێتی ئاماژەی بەدواین دەستپێشخەری-دا بۆ چارەسەر کردنی گرفتەکان بۆ ئەنجامدانی هەڵبژاردن کرد و وتی: نابێت بەهیچ بیانوویەک لەوە زیاتر هەڵبژاردن دوابکەوێت و ئێمە ئامانجمان ئەوەیە هەڵبژاردنێک بکرێت پاک و بێگەرد بێت و مافی راستەقینەی هەموو پێکهاتەکان پارێزراو بێت.

سەرۆک بافڵ باسی لە پەیوەندییەکانی نێوان هەرێم و بەغداد کرد و جەختی کردەوە کە؛ یەک رێگە هەیە بۆ بەدەستهێنانی مافی هاوڵاتیان، ئەویش رێکەوتنی بنەڕەتییە لەبارەی گرفتە هەڵپەسێردراوەکان کە ماوەیەکی زۆرە هاوڵاتیان بەگشتی باجی ئەو ناکۆکییە دەدەن.

لەبەشێکیتری کۆبوونەوەکە باس لە پرۆسەی چاکسازی لە وەزارەتی پێشمەرگە و دوا هەنگاوەکانی پرۆسەکە کرا، لەوبارەیەوە سەرۆک بافڵ بەوەفدی میوانی وت؛ سوپاسی هەماهەنگیتان دەکەین کە هاوکارمان بوون بۆ چاکسازی کردن و رێکخستنەوەی هێزەکانمان، ئێمە لایەنە پەیوەندیدارەکانمان راسپاردووە کە ئاسانکاری بکەن لەپێناو جێبەجێکردنی هەموو هەنگاوەکانی پرۆسەکە تاکو ببینە خاوەنی هێزێکی تۆکمەتر و بەتواناتر.

PUKMEDIA