رۆڵی پاراستنی ئاسایش و ئارامی لە هەرێم گرنگە

راگەیاندنی ئاژانسی پاراستن و زانیاری / زانیاری

کۆبوونەوەی جەلال شێخ ناجی لەگەڵ کۆڵونێل خافێر سۆرییا

جەلال شێخ ناجی سەرۆکی ئاژانسی پاراستن و زانیاری / زانیاری، پێشوازیکرد لە وەفدێکی باڵای هێزەکانی هاوپەیمانان بە سەرۆکایەتی کۆڵونێل خافێر سۆرییا لێپرسراوی تیمی راوێژکارانی هێزەکانی هاوپەیمانان لە هەرێمی کوردستان .


لەدیدارێکدا لەبارەی دۆخی ئەمنی و هەماهەنگییە هەواڵگرییەکان لەنێوان هێزەکانی هەرێم و عیراق و هاوپەیمانانی نێودەوڵەتی بیروبۆچوون ئاڵوگۆڕاکراو تەئکید لە بەردەوامی و گەشەپێدانی هاریکارییەکان کرایەوە لەپێناو زاڵبوون بەسەر ئاڵنگارییە ئەمنییەکان و رووبەڕوبونەوەی مەترسییەکان .


لەبەرامبەردا جەلال شێخ ناجی سەرۆکی ئاژانسی پاراستن و زانیاری / زانیاری، وێڕای دەربڕینی سوپاس و پێزانین بۆ تیمی راوێژکارانی هێزەکانی هاوپەیمانان کە هەماهەنگ لە سەرخستنی پرۆسە سەربازی و ئەمنییەکان دژی تیرۆریستان و پاشماوەکانی داعش، دووپاتیکردەوە لەبەردەوامی هەوڵەکانیان بۆ پاراستنی ئاسایشی کوردستان و بەردەوامی ئەم پەیوەندییەشی بە فاکتەری ئارامی زیاتر لەوڵات لەقەڵەم دا .

هەرلەدیدارەکەدا چەندین پرسی تری ئەمنی بیروبۆچوونیان لەبارەوە ئاڵوگۆڕاکرا