لایهنهكان ههمواری یاسای ههڵبژاردنیان دهوێت و پارتی رێگره
کوردستان 10:45 AM - 2023-02-17پەرلەمانی کوردستان
داوای دهسپێكردنهوهی دانیشتنهكانی پهرلهمانی كوردستان دهكرێت و ئهندامێكی فراكسیۆنی گۆڕانیش دهڵێت:"پێویسته پهرلهمان بۆ ههمواری یاسای ههڵبژاردن كۆببێتهوه، چونكه ئامانجی درێژكردنهوهی تهمهنی پهرلهمان بۆ كۆتایی هێنان به پرسی ههڵبژاردن بووه، بهڵام لهئێستادا فراكسیۆنی پارتی رێگرهو ههمهش وایكردوه كۆبوونهوهكانی پهرلهمان راگیرێت".
لایهنهكانی دیكهی ههرێمی كوردستانیش لهگهڵ یهكێتیی نیشتمانیی كوردستان هاوڕان كه پێویسته لهم خولهی پهرلهماندا یاسای ههڵبژاردن ههمواربكرێتهوهو هاوتهریب لهگهڵیدا كۆمسیۆنی باڵای ههڵبژاردنهكان كارا بكرێتهوه.
پارتی رێگره لهدانیشتهكانی پهرلهمان
رزگار محهمهد ئهندامی پهرلهمانی كوردستان له فراكسیۆنی گۆڕان به سایتی رهسمی یهكێتیی نیشتمانیی كوردستان PUKMEDIA ی راگهیاند: "سهرجهم لایهنهكان جگه له پارتی دیموكراتی كوردستان بۆ ههمواركردنهوهی یاسای ههڵبژاردن و كاراكردنهوهی كۆمسیۆنی باڵای ههڵبژاردنهكان و پاككردنهوهی تۆماری دهنگدهران و دهستكاریكردنی كورسی پێكهاتهكان دهنگیان به درێژكردنهوهی تهمهنی خولی پێنجهمی پهرلهمانی كوردستان داوه، بهڵام فراكسیۆنی پارتی رێگره له ئهنجامدانی دانیشتنی پهرلهمانی كوردستان لهسهر ئهو بابهته".
"پارتی دیموكراتی كوردستان لهگهڵ ههمواركردنهوهی یاسای ههڵبژاردندا نییه و دهیهوێت به ههمان یاسا لهرێگای كاراكردنهوهی كۆمسیۆنی باڵای ههڵبژاردنهكانهوه ههڵبژاردن ئهنجامبدرێت، كه ئهوهش دژی بۆچوونی سهرجهم لایهنهكانه". رزگار محهمهد وادهڵێت.
ئهندامهكهی فراكسیۆنی گۆڕان دهشڵێت: "كورسی پێكهاتهكان بابهتێكی دیكهی پارتییه بۆ رێگری كردن لهههمواركردنهوهی یاسای ههڵبژاردن، چونكه كورسی پێكهاتهكان له بهرژهوهندی خۆی بهكاردههێنێت، ههرئهمهشه وایكردوه ئهندامانی پهرلهمان لهسهر كورسی پێكهاتهكان نهیانتوانیوه نوێنهری راستهقینهی دهنگدهرانیانبن".
سهرۆكایهتی پهرلهمان رێگره نهك سهرۆك
دهستهی سهرۆكی پهرلهمان كهخۆی له د. رێواز فایهق سهرۆكی پهرلهمان و هێمن ههورامی جێگری سهرۆكی پهرلهمان و مونا قههوهچی سكرتێری پهرلهمان دهبینێتهوهو دهتوانن بڕیار لهدهستپێكردنهوهی دانیشتهكان بدهن، بهڵام جێگری سهرۆكی پهرلهمان كه لهپشكی پارتییهو سكرتێری پهرلهمان كهلهپشكی توركمانهكانه لهگهڵ لهدهستپێكردنهوهی دانیشتنهكانی پهرلهمان نین، چونكه بهپێی پهیڕهوی ناوخۆ سهرۆكی پهرلهمان دهتوانێت تهنها كاتی كۆبوونهوهكان دیاریی بكات نهك دهستپێكردنهوهی دانیشتنهكان.
باڵانبۆ محهمهد ئهندامی پهرلهمانی كوردستان له فراكسیۆنی یهكێتیی نیشتمانیی كوردستان له لێدوانێكیدا بۆ سایتی رهسمی یهكێتیی نیشتمانیی كوردستان PUKMEDIA رایگهیاند: "تهنها رێگری لهدانیشتنهكانی پهرلهمانی كوردستان نهبوونی بهرنامهی كاره، كه ئهوهش دهستهی سهرۆكایهتی پهرلهمانی كوردستان لێی بهرپرسیاره نهك سهرۆكی پهرلهمان".
دهشڵت: "یهكێتی و لایهنهكانی دیكه دهنگیان به درێژكردنهوهی تهمهنی پهرلهماندا بۆ ئهوهی لهو ماوهیهدا بتوانرێت یاسای ههڵبژاردن ههموار بكرێتهوهو كێشهی كۆمسیۆن و تۆماری دهنگدهران و كورسی پێكهاتهكانیش چارهسهر بكرێن، چونكه ئهو بابهتانه جێی گفتوگۆی لایهنهكان بوو و پێویستیان به گۆڕانكاری ههیه، بههۆی ئهوهش كه پارتی رێگره لهو بابهتهنه دانیشتنهكانی پهرلهمان راگیراون".
"پارتی دهیهوێت كۆبوونهوهكانی پهرلهمان لهسهر بابهته ئاساییهكان بهردهوامبێت و ئهمهش خواستی فراكسیۆنهكانی دیكه نیه، ههر بۆیه دانیشتنهكانی پهرلهمان راگیراون" باڵانبۆ محهمهد وایوت.
ههرلهو بارهیهوه دلێر ماوهتی سهرۆكی پێشووی فراكسیۆنی یهكێتی له پهرلهمانی كوردستان به PUKMEDIA ی راگهیاند:" دهسهڵاتی كۆبوونهوهكانی پهرلهمان لای سهرۆكایهتی پهرلهمانه، چونكه بهپێی پهیڕهوی ناوخۆی پهرلهمان دهبێت دوو لهسهر سێی سهرۆكایهتی پهرلهمان رازامهندی نیشانبدهن، ئهوسا دهتوانرێت كۆبوونهوهی پهرلهمان بكرێت، بۆیه تهنها سهرۆكی پهرلهمان ناتوانێت بڕیار لهدهستپێكردنهوهی كۆبووهنهوهكان بدات".
" ئهگهر دانیشتنی پهرلهمان نهكرێت، سهرۆكایهتی پهرلهمان لێی بهرپرسیاره، چونكه لهخولهكانی پێشتریش روویداوه كه دوو ئهندامی دهستهی سهرۆكایهتی لهگهڵ دهستپێكردنی دانیشتنهكاندا نهبوون و دانیشتنهكان نهكراوه، یاخود جار ههبووه سهرۆكی پهرلهمان ئامادهیی نهبووهو كۆبوونهوهی پهرلهمانیش كراوه" دلێر ماوهتی وایوت.
رۆژی 18-1-2023، ههر چوار لایهنی یهكێتیی نیشتمانیی كوردستان و بزوتنهوهی گۆڕان و یهكگرتووی ئیسلامی و كۆمهڵی دادگهری لهكۆبوونهوهیهكدا هاوڕابوون لهسهر ئهوهی كه پێویسته یاسای ههڵبژاردن ههمواربكرێتهوهو هاوتهریب لهگهڵیدا كۆمسیۆنی ههڵبژاردنهكان كارا بكرێتهوهو پاشان ههوڵی پاككردنهوهی تۆماری دهنگدهران بدرێت، بۆ ئهوهی ههڵبژاردنێكی پاك و بێگهرد له ههرێمی كوردستان بهڕێوهبچێت، بهڵام پارتی رێگره.
PUKMEDIA
هەواڵی زیاتر
-
وەزیری کشتوکاڵ: وەک پارێزگاکانی دیکەی عیراق گەنمی جوتیارانی هەرێم وەردەگیرێت
11:14 PM - 2024-05-05 -
قوباد تاڵەبانی بەشداری پرسەی هاوسەری د.فوئاد حسێن دەکات
10:42 PM - 2024-05-05 -
سەرۆک بافڵ بەشداری پرسەی شێخی ئیمارات دەکات
01:36 PM - 2024-05-05 -
بازرگانێکی نێودەوڵەتی ماددەی هۆشبەر دەستگیردەکرێت
09:06 PM - 2024-05-04
ئەمانەش ببینە
سهرباری رێگرییهكانی حكومهتی ههرێم 102 خێزانی ئاواره گهڕانهوه شهنگال
01:42 PM - 2024-05-05
ئهندامێكی لیژنهی دارایی: تهوتین دواكهوتنی مووچه چارهسهر دهكات
11:47 AM - 2024-05-05
٧٢ هەمین هەفتانەی دیجیتاڵی ئینگلیزی بڵاودەكرێتەوە
09:23 AM - 2024-05-05
وەفدێکی یەکێتی گرێبەستی کشتوکاڵی و وەبەرهێنان لە دوبەی ئیمزا دەکات
07:34 PM - 2024-05-04
زۆرترین خوێنراو
-
وەزیری کشتوکاڵ: وەک پارێزگاکانی دیکەی عیراق گەنمی جوتیارانی هەرێم وەردەگیرێت
کوردستان 11:14 PM - 2024-05-05 -
قوباد تاڵەبانی بەشداری پرسەی هاوسەری د.فوئاد حسێن دەکات
کوردستان 10:42 PM - 2024-05-05 -
وەفدێکی یەکێتی بەشداری لە جەژنی قیامەی مەسیحیەکان دەکات
ی ن ک 08:56 PM - 2024-05-05 -
شاڵاو کۆسرەت رەسوڵ لەهەولێر بەشداری ژمارەیەک پرسە دەکات
پرسەنامە 07:56 PM - 2024-05-05 -
هاوخەمی قوباد تاڵەبانی بۆ بنەماڵەی خەسرەوی حەمەی محە
پرسەنامە 06:08 PM - 2024-05-05 -
هاوخەمی قوباد تاڵەبانی بۆ کۆچی دوایی عەبدولستار محەمەد
پرسەنامە 04:39 PM - 2024-05-05 -
سهرباری رێگرییهكانی حكومهتی ههرێم 102 خێزانی ئاواره گهڕانهوه شهنگال
کوردستان 01:42 PM - 2024-05-05 -
سەرۆک بافڵ بەشداری پرسەی شێخی ئیمارات دەکات
ی ن ک 01:36 PM - 2024-05-05