شەفافیەت داهاتی هەفتەی رابردووی سلێمانی رادەگەیەنێت

PUKMEDIA

شەفافیەت

شەفافیەت داهاتی یەك هەفتەی سلێمانی رادەگەیەنێت كە زیاترە لە 18 ملیار دینار.

سایتی شەفافیەت بۆ چاودێری و رێكخستنی داهاتە نانەوتییەكانی سلێمانی و هەڵەبجە و هەردوو ئیدارەی راپەڕین و گەرمیان داهاتی یەك هەفتەی سلێمانی لە رۆژی 11-2- 2023 تا 17-2-2023 راگەیاندووە بەشێوەیەك، داهات بڕی 18 ملیار و 828 ملیۆن و 162 هەزار و 47 دینار بووە ، بەجۆرێك كە 17 ملیار و 54 ملیۆن و 325 هەزار و 2 دیناری واتە %91 نەختینەیە و هەروەها یەک ملیار و 357 ملیۆن و 48 هەزار 75 دینار واتە %7 بەشێوەی چەكە و هەروەها 416 ملیۆن و 788 هەزار دینار مقاصەیە واتە %2.

رۆژی 15-12-2022 دوای 30 ساڵ، حكومەتی هەرێمی كوردستان لەسەر دەستی قوباد تاڵەبانی بوو بەخاوەنی پرۆژەی شەفافییەت لە داهات و خەرجی.

ئێستا رۆژانە دەتوانیت سەرجەم داهاتە نانەوتییەكانی پارێزگاكانی سلێمانی و هەڵەبجە و هەردوو ئیدارەی سەربەخۆی گەرمیان و راپەڕین لەسایتی شەفافییەتەوە بزانیت.

بەپێی نوێترین ئاماری سایتی شەفافییەت   www.shafafiat.com، بڕیاریشە هەموو رۆژێك داهاتی ئەو شوێنانە بڵاوبكرێتەوە.

PUKMEDIA