گەشەپێدانی میدیای یەکێتی گفتوگۆی لەسەر دەکرێت

PUKMEDIA

لێپرسراوی مەکتەبی راگەیاندن و نێردەی تایبەتی نوسینگەی سەرۆکی یەکێتی

مەکتەبی راگەیاندن پێشوازی کرد لە بەڕێز تیم ویلکنسۆن باڵیۆز و نێردەی تایبەت لە نوسینگەی سەرۆکی یەکێتیی نیشتمانیی کوردستان و شارەزا لە بواری میدیا کە لەسەر راسپاردەی سەرۆک بافڵ و بۆ پێشخستنی میدیای یەکێتی سەردانی مەکتەبی راگەیاندنی کردبوو.

پێکەوە گفتوگۆ لەسەر پێشخستن و پەرەپێدانی کارەکانی راگەیاندنی یەکێتی کرا.

ستران عەبدوڵڵا لێپرسراوی مەکتەبی راگەیاندن خۆشحاڵی خۆی بە بیرۆکە و پێشنیارەکانی بەڕێز تیم ویلکنسۆن دەربڕی و لەو دیدارەدا کە ئەحمەد نەجم لێپرسراوی نووسینگەی رۆژنامەوانیی سەرۆکی یەکێتیی ئامادەی بوو، بیروڕا لەبارەی میکانزمێکی گونجاو  بۆ میوانداری تیمێکی پسپۆڕی میدیایی کرا کە هاوکاری و رێنوێنی کەناڵەکانی یەکێتی بکەن لەپێناو پوختکردنەوە و پەرەپێدانی زیاتری تواناکانیان و گەیاندنی پەیامی سیاسی و میدیایی یەکێتی بە ناوەوە و دەرەوەی وڵات.
PUKMEDIA