ستران عەبدوڵڵا: مەعقول نییە هەولێر بكرێتە شوێنی كۆكردنەوەی یاخیبوان

PUKMEDIA

ستران عەبدوڵڵا ئەندامی مەکتەبی سیاسی یەکێتی

ئه‌ندامێكی مه‌كته‌بی سیاسی یه‌كێتیی نیشتمانیی كوردستان رایده‌گه‌یه‌نێت:" مه‌عقول نییه‌ پایته‌ختی هه‌رێمی كوردستان ببێته‌ شوێنی كۆكردنه‌وه‌ی ئه‌و كه‌سانه‌ی له‌ یاسا یاخی ده‌بن، له‌ پایته‌خت هێز بۆ خه‌ڵك دروستده‌كرێت له‌ كاتێكدا قسه‌له‌سه‌ر یه‌كخستنی هێزی پێشمه‌رگه‌ی كوردستان ده‌كه‌ین".

ستران عه‌بدوڵلا ئه‌ندامی مه‌كته‌بی سیاسی یه‌كێتیی نیشتمانیی كوردستان له‌ به‌رنامه‌ی پانۆرامای كه‌ناڵی ئاسمانی كوردسات رایگه‌یاند: هه‌ولێر پایته‌ختی هه‌رێمه‌ و  ناوێكی جوان و شایسته‌ی هه‌یه‌، به‌ڵام مه‌عقول نییه‌، ئه‌م پایته‌خته‌ ببێته‌ شوێنێك بۆ كۆكردنه‌وه‌ی ئه‌و كه‌سانه‌ی له‌ یاسا یاخی ده‌بن".

وتیشی:" قسه‌ له‌سه‌ر یه‌كخستنه‌وه‌ی هێزی پێشمه‌رگه‌ ده‌كه‌ین، به‌ڵام لایه‌نێك هێز بۆ كه‌سانی یاخی بوو و له‌یاسا ده‌رچوو دروستده‌كات".

ستران عه‌بدوڵڵا ده‌شڵێت:" هێزه‌ سیاسییه‌ كاریگه‌رو خاوه‌ن مێژووه‌كان ده‌مێننه‌وه‌و سیاسیه‌ت كردن ئه‌وه‌ نییه‌ به‌دیل بۆ لایه‌نه‌كان دروست بكه‌یت، چونكه‌ ئه‌و كاره‌ له‌به‌رژه‌وه‌ندی كۆمه‌ڵگه‌دا نییه‌ ، به‌ڵكو پێویسته‌ رێز له‌بۆچوونی لایه‌نه‌ سیاسییه‌كانی هه‌رێم  بگیرێت".

PUKMEDIA