سەرۆک بافڵ: رێککەوتنەکان بۆ تێپەراندنی ئاڵۆزییەکان جێبەجێ بکرێن

نوسینگەی رۆژنامەوانی بافڵ جەلال تاڵەبانی

کۆبوونەوەی سەرۆک بافڵ لەگەڵ قەیس خەزعەلی

بافڵ جەلال تاڵەبانی، سەرۆکی یەکێتیی نیشتمانیی کوردستان لە بەغدا چاویکەوت بە قەیس خەزعەلی، ئەمینداری گشتیی بزووتنەوەی عەسائیب ئەھلی حەق.

لە دیدارێکدا دوایین پێشهات و گۆڕانکارییە سیاسییەکان تاوتوێکران و جەخت لە بەردەوامی هەوڵە نیشتمانییەکان کرایەوە لەپێناو سەرخستنی بەرنامەی حکومەت و جێبەجێکردنی رێککەوتننامەی لایەنەکان لە چوارچێوەی هاوپەیمانی بەڕێوەبردنی دەوڵەت بە ئامانجی تێپەڕاندنی بەربەستەکان و زاڵبوون بەسەر کێشەکاندا.

سەرۆک بافڵ جەلال تاڵەبانی پەرۆشیی یەکێتیی نیشتمانیی کوردستانی بۆ درێژەدان بە دیالۆگی نیشتمانی و بەرپرسیارانەی نێوان لایەنەکان دووپاتکردەوە بەتایبەت کێشەکانی پەیوەست بە هەرێم و بەغدا و گەیشتن بە چارەسەرێکی هەمیشەیی و پاراستنی مافە دەستوورییەکانی هەموولایەک.

PUKMEDIA