ئاسایشی پارتی رێگری لە هاوكاریكردنی كارەساتبارانی بوومەلەرزەكە دەكات
کوردستان 12:41 PM - 2023-02-11كەمپینی كۆكردنەوەی هاوكاری رێكخراوەكانی هانا
ئاسایشی پارتی لە دهۆك جگە لەرێكخراوی بارزانی، رێگە نادات هیچ رێكخراوێكی خێرخوازی دیكە، هەڵمەتی هاوكاری بۆ كارەساتبارانی بوومەلەرزەكەی توركیا و سوریا بكات، 6 چالاكوانی رێكخراوەكان و رۆژنامەنوسی یەكگرتووی ئیسلامی دەستگیردەكات و رێگری لە كار و چالاكیە مرۆییەكانیان دەكات، پەرلەمانتارێكیش دەڵێت: "كارو چالاكیەكان لە سنووری بادینان بۆ رێكخراوی بارزانی قۆرخكراوە و رێگە بە چالاكی رێكخراوەیی و مرۆییش نادرێت".
ئاسایشی پارتی لە دهۆك رۆژی هەینی 10/2 هەڵیكوتاوەتە سەر كەمپینی كۆكردنەوەی هاوكاری رێكخراوەكانی هانا، رابیتە و بەختەوەر كە بۆ بە هاناوەچوونی لێقەوماوانی بوومەلەرزەكەی باكوور و رۆژئاوای كوردستان رێكخرابوو، تێیدا دوو چالاكوان و 4 رۆژنامەنوسی كەناڵی سپێدەیان دەستگیركرد و كەمپینەكەشیان راگرت.
ئیسماعیل
عەلی تەها پەرلەمانتاری كوردستان لە فراكسیۆنی
یەكگرتووی ئیسلامی بە سایتی رەسمی یەكێتیی نیشتمانیی كوردستان PUKMEDIA ی راگەیاند: "لەلایەن
ئاسایشی پارتی لە دهۆك شەش چالاكوان و رۆژنامەنووسی
یەكگرتوو بە بیانووی داتاشراو دەستگیركران".
"وەك چۆن
حكومەت دەستی ناوەتە بینەقاقای خەڵكی هەرێمی كوردستان و موچەخۆران، رێكخراوی
بارزانیش بە هەمان شێوە كاردەكات و رێگە بە هیچ رێكخراوێكی تر نادات كە كار و
چالاكییەكانیان ئەنجام بدەن بەتایبەت لە سنووری بادینان، ئەمەش تەواو نایاساییە،
چونكە رێكخراوەكان مۆڵەتی رەسمی حكومەتیان هەیە بۆ كاركردن"، ئیسماعیل عەلی تەها
وایوت.
دەشڵێت:
"قۆرخكردنی گەیاندنی هاوكاری خەڵكی هەرێمی كوردستان بۆ تەنها رێكخراوێك لە
سنووری بادینان بەناوی رێكخراوی بارزانی، جگە لەوەی نایاساییە رێگریكردنیشە لە گەیاندنی
هاوكارییەكان بە خەڵكی لێقەوماوانی كوردانی باكور و رۆژئاوای كوردستان".
بەڕێوەبەری سەنتەری میترۆ: رێگرییەكان نایاسایین
بەرێوەبەری
سەنتەری میترو بۆ داكۆكیكردن لەمافی رۆژنامەنوسان ئەو رێگرییەی ئاسایشی پارتی لە
دهۆك بەنایاسایی ناو دەبات و دەڵێت:
"هێرشكردنە سەر كەمپینی كەناڵی سپێدە رەنگدانەوەی داخستنی فەزای مەدەنییە لە
شاری دهۆك".
بەوتەی
رەحمان غەریب بەڕێوەبەری سەنتەری میترۆ بۆ داكۆكیكردن لەمافی رۆژنامەنوسان كە پێگەی
ئەلیكترۆنی سپێدە بڵاویكردۆتەوە دەڵێت: "هێرشكردنە سەر كەمپینی كەناڵی سپێدە
و دەستگیركردنی رێكخەران و تیمێكی رۆژنامەوانی، رەنگدانەوی داخستنی فەزای مەدەنییە
لە شاری دهۆك كە دەسەڵاتداری ناوچەكە بە بیانووی سەقامگیری و ئاسایشی ناوچەكە برەوی
پێدەدەن.
رێگرتن لە چالاكی خێرخوازیی نایاساییە
ئیسماعیل
عەلی تەها پەرلەمانتاری كوردستان نەیشاردەوە
كە: "رێكخراوی بارزانی چالاكییە مرۆییەكانی سنووری بادینانی بۆخۆی قۆرخكردووە
و رێگە بە هیچ رێكخراوێكی تر نادات چالاكییەكانیان ئەنجام بدەن"، هاوكات بەڕێوەبەری
سەنتەری میترۆش ئاماژە بەوە دەكات: "رێگرییەكان لە كاری رێكخراوەكان نایاساییەو
لەگەڵ كاری رێكخراوەكان یەكناگرێتەوە و لەوەش خراپتر ئەوەیە زۆربەی رێكخراوەكانی كۆمەڵی
مەدەنی كوردستان، زاتی ئەوە ناكەن رەخنەی لێبگرن و هەوڵی گۆڕینی بدەن".
رەحمان
غەریب دەڵێت: "یەكگرتووی ئیسلامی و میدیاكەی،
یا هەر حزب و گروپێكی كۆمەڵایەتی لە چوارچێوەی یاسا بەركارەكان مافی ئەو جۆرە
چالاكیانەیان هەیە، رێگرییەكان نایاسایین و دەبوو كاریگەری و قەبارەی كارەساتە مرۆییەكەی
لە ناوچەكەدایە، ئەو رێوشوێنانەی هەڵپەساردایە كە لە بنەڕەتدا لەگەڵ ئازادی كاری رێكخراوەیی
یەك ناگرنەوە".
"بەهۆی بەرژەوەندی
رێكخراوەیی و رێگەدان بە چالاكییەكانیان، زۆربەی رێكخراوەكانی كۆمەڵی مەدەنی
كوردستان، زاتی ئەوە ناكەن رەخنەی لێبگرن و هەوڵی گۆڕینی بدەن". رەحمان غەریب
وادەڵێت.
هێزە
ئەمنییەكانی دهۆك جگە لە رێكخراوی بارزانی بە بیانوی جیاجیا رێگری لە رێكخراوەكانی
دیكەی كۆمەڵگەی مەدەنی لەو سنوورە دەکەن و كار و چالاكییەكانیان سنوردار كردووە و هەڵدەكوتنە
سەر كارمەندانی رێكخراوەكان و دەستگیریان دەكەن، لەكاتێكدا سەرجەم رێكخراوەكان مۆڵەتی
رەسمی حكومەتی هەرێمی كوردستانیان هەیەو دەستیان كراوەیە بۆ كاری خێرخوازی و خزمەتی
مرۆڤایەتی.
سەرلەبەیانی رۆژی دوو شەممە 6-2-2023،
بوومەلەرزەیەک بە گوڕی 7.4 پلەی رێختەر، چەند شارێکی تورکیا و سوریای هەژاند،
بەپێی دواین ئامار جگە لە زیانی ماددی، بەهۆی بوومەلەرزەکەوە لە تورکیا 20 هەزار و 665 کەس گیانیان لەدەست داوە
و 80 هەزار و 88 کەسیش بریندارن، لە سوریاش 6 هەزار کەس
گیانیان لەدەست داوە و 56 هەزار کەسیش برینداربوون.
PUKMEDIA
هەواڵی زیاتر
-
هاوخەمییەکان بۆکۆچیدوای فەرماندەی دێرین حەسەن ئەحمەد
11:14 PM - 2024-04-19 -
دژەتیرۆر و ئاسایش لەسەر رووداوی تەقینەوەکەی سلێمانی رونکردنەوە دەدەن
02:02 PM - 2024-04-19 -
د. بڕیار رەشید: تەوتینی مووچە لەهەرێم بە ئاسانی دەکرێت
08:31 PM - 2024-04-18 -
كونسوڵی روسیا: یهكێتی هێزێكی كاریگهره
04:42 PM - 2024-04-18
ئەمانەش ببینە
قوباد تاڵەبانی: ئارامی سلێمانی هێڵی سوورە
08:59 PM - 2024-04-19
د. یوسف گۆران: هەڵبژاردن تاکە ڕێگەی دەرچونی هەرێمە لەقەیران
05:56 PM - 2024-04-19
پەرلەمانتارە غائیبەکان 160 ملیۆن دینار سزادران
10:43 AM - 2024-04-19
داهاتی هەفتەی رابردووی سلێمانی زیاتر لە 7 ملیار دینارە
09:09 AM - 2024-04-19
زۆرترین خوێنراو
-
پلهبهرزكردنهوهی مووچهخۆرانی ههرێم رهزامهندی بهغدای دهوێت
کوردستان 10:40 AM - 2024-04-20 -
هاوخەمییەکان بۆکۆچیدوای فەرماندەی دێرین حەسەن ئەحمەد
پرسەنامە 11:14 PM - 2024-04-19 -
قوباد تاڵەبانی: ئارامی سلێمانی هێڵی سوورە
کوردستان 08:59 PM - 2024-04-19 -
د. یوسف گۆران: هەڵبژاردن تاکە ڕێگەی دەرچونی هەرێمە لەقەیران
کوردستان 05:56 PM - 2024-04-19 -
دژەتیرۆر و ئاسایش لەسەر رووداوی تەقینەوەکەی سلێمانی رونکردنەوە دەدەن
کوردستان 02:02 PM - 2024-04-19 -
پێشمەرگەی دێرین سەردار محەمەد بەسەردەکرێتەوە
ی ن ک 01:01 PM - 2024-04-19