یەکێتی داکۆکیکاری مافی پێکهاتەکانە

PUKMEDIA

پەرلەمانی کوردستان

داوادەکرێت هەر پێکهاتەیەک لە هەرێم ئەرک و ماف و ئیمتیازات و نوێنەری خۆی هەبێت لە پەرلەمانی کوردستان، بۆئەمەش "یەکێتیی نیشتمانیی کوردستان داوای کردوە هەڵبژاردن ببێت بە 4 بازنە و پێکهاتەکان بەپێی بونیان لە هەر ناوچەیەکدا بەسەر 4 بازنەکەدا دابەش بببن ، یان وەک پێشنیارەکەی یەکێتی رۆژی دەنگدانیان جیابکرێتەوە لەبەر ئەوەی دەستێوەردان و ساختەکاری نەکرێت".

شێخ تاهیر بەرزنجی راوێژکاری پەیوەندییە کوردستانیەکانی یەکێتی بۆ سایتی یەکێتیی نیشتمانیی کوردستان PUKMEDIA دەڵێت: "تورکمان و هەر پێکهاتەیەکی تری ئەم هەرێمە پێویستە بەرگری لە ئەرک و ماف و ئیمتیازاتی پێکهاتەکەی خۆی بکات لە پەرلەمانی کوردستان نەک ببێتە بەشێک لە ململانێکانی نێوان لایەنەکانی تر، ناشبێت ببنە پشتیوانی لایەنێک دژی لایەنێکی تر".

"یەکێتیی نیشتمانیی کوردستان داوای کردوە هەڵبژاردن ببێت بە 4 بازنە و پێکهاتەکان بەپێی بونیان لە هەر ناوچەیەکدا بەسەر 4 بازنەکەدا دابەش بببن ، یان وەک پێشنیارەکەی یەکێتی رۆژی دەنگدانیان جیابکرێتەوە لەبەر ئەوەی دەستێوەردان و ساختەکاری نەکرێت"، شێخ تاهیر بەرزنجی وایوت.

دەشڵێت: "بۆ راستکردنەوەی هەموو ئەو ناعەدالەتییانەی پێشتر رویان داوە پێویستە وەک پێشنیارەکەی یەکێتی هەڵبژاردنێکی شەفاف بکرێت و پێکهاتەکان بە ئیستیحقاقی خۆیان کورسیان پێبدرێت نەک بە لایەنگری حزبێکی تر، چونکە ئەو پێشنیارانە پێشنیاری راستەقینەن و بۆ پێدانی هەقی پێکهاتەکان".

PUKMEDIA